येत्या काळात या राज्यात धर्मनिरपेक्ष विचारांचे सरकार स्थापन होईल – जयंत पाटील
काँग्रेस, भाजप सर्वच पक्ष राष्ट्रवादी काँग्रेस पक्षाचे उमेदवार उत्तमराव पाटील यांना टार्गेट करत आहेत. कारण उत्तमराव खरा लढवय्या, उत्तमराव निवडून येतील याचा आम्हालाच काय तर विरोधकांना देखील विश्वास आहे, त्यामुळे त्यांचा अपप्रचार करण्याचे कारस्थान सुरू आहे.
महेश घोलप |
Updated on: May 08, 2023 | 3:05 PM
Share
कर्नाटक विधानसभा निवडणुकीच्या पार्श्वभूमीवर निपाणी विधानसभा मतदारसंघाचे राष्ट्रवादी काँग्रेस पक्षाचे उमेदवार श्री. उत्तम रावसाहेब पाटील यांच्या प्रचारार्थ आयोजित सभेला जयंत पाटील संबोधीत केले. पक्षाने या निवडणुकीत कर्नाटकात ९ उमेदवार उभे केले आहेत. पक्षाला उत्स्फूर्त प्रतिसाद आहे. उत्तमराव नक्की जिंकतील याची मला खात्री आहे.
1 / 5
भाजप आणि काँग्रेसचे उमेदवार या ठिकाणी प्रतिस्पर्धी आहेत. मात्र हे दोन्ही उमेदवार बाहेरून आयात करून निपाणीच्या जनतेवर लादलेले आहेत. या भागात २२०० कोटी रुपयांची विकासकामे केल्याचे माझ्या कानावर आले. नक्की कोणती विकासकामे केली हे मी शहरात पाऊल ठेवल्यापासून शोधतो आहे.
2 / 5
इतक्या कोटींचा निधी दिला, मात्र पाण्याचा मूलभूत प्रश्न यांना सोडविता आला नाही. गेल्या अनेक वर्षांपासून हा भाग पाण्याविना वंचित आहे. तुम्ही एकदा आमच्या उमेदवाराला संधी देऊन बघा, या भागात नक्कीच पाणी आणण्याचे काम आम्ही करू. कर्नाटकात भ्रष्टाचार फोफावला आहे. रस्त्याच्या कामात भ्रष्टाचार झाला, बिल्डिंगच्या कामात भ्रष्टाचार झाला. येथील भाजपाच्या लोकप्रतिनिधींनी अंड्यांमध्ये सुद्धा भ्रष्टाचार केला आहे. इतक्या खालच्या थराला पोहोचले आहेत.
3 / 5
काँग्रेस, भाजप सर्वच पक्ष राष्ट्रवादी काँग्रेस पक्षाचे उमेदवार उत्तमराव पाटील यांना टार्गेट करत आहेत. कारण उत्तमराव खरा लढवय्या, उत्तमराव निवडून येतील याचा आम्हालाच काय तर विरोधकांना देखील विश्वास आहे, त्यामुळे त्यांचा अपप्रचार करण्याचे कारस्थान सुरू आहे.
4 / 5
मी आपल्याला खात्रीपूर्वक सांगतो की, येत्या काळात या राज्यात धर्मनिरपेक्ष विचारांचे सरकार स्थापन होईल. आदरणीय खा. शरद पवार साहेब त्यात मोठी भूमिका बजावतील. तुम्ही उत्तमराव यांना निवडून दिलं तर नक्कीच ते कर्नाटक सरकारमध्ये मंत्री म्हणून आपल्याला पहायला मिळतील.
