Marathi News Photo gallery Nana patekar home ganapati bappa singer Rahul Deshpande showed simple yet classic decoration
Nana Patekar: नाना पाटेकरांच्या घरचा गणपती, स्वत: काढली फुलांची रांगोळी; राहुल देशपांडेंनी दाखवली सुंदर सजावट
Nana Patekar: नानांच्या घरचा गणपती असं कॅप्शन देत राहुल देशपांडे यांनी हे खास फोटो शेअर केले आहेत. बाप्पाच्या सुंदर सजावटीसोबतच नाना पाटेकर यांच्या घरातील हा पारंपरिक आणि साधा अंदाज सोशल मीडियावर चर्चेचा विषय ठरत आहे.
गणेशोत्सव म्हटलं की कलाकारांच्या घरातील बाप्पाचं दर्शन घेण्यासाठी चाहत्यांची उत्सुकता वाढते. यंदाच्या गणेशोत्सवात गायक आणि संगीतकार राहुल देशपांडे यांनी ज्येष्ठ अभिनेते नाना पाटेकर यांच्या घरी विराजमान झालेल्या गणपती बाप्पाची झलक सोशल मीडियावर शेअर केली आहे.
1 / 5
या फोटोंमध्ये बाप्पाची सुंदर मूर्ती, फुलांची आकर्षक सजावट आणि घरातील साधेपणात दडलेलं खास सौंदर्य पाहायला मिळत आहे. राहुल देशपांडे यांनी शेअर केलेल्या फोटोमध्ये नाना पाटेकर यांच्या घरातील गणपतीची सजावट लक्ष वेधून घेते. बाप्पाच्या सभोवती झेंडूच्या फुलांची आकर्षक आरास करण्यात आली आहे. पिवळ्या आणि पांढऱ्या फुलांचा मोठ्या प्रमाणावर वापर करत सजावट करण्यात आली असून, संपूर्ण परिसराला पारंपरिक आणि प्रसन्न लूक मिळाला आहे. फुलांच्या या आरासीत बाप्पाची मूर्ती अधिकच सुंदर दिसत आहे.
2 / 5
विशेष म्हणजे, या सजावटीमध्ये कोणताही भपकेबाजपणा दिसत नाही. पारंपरिक पद्धतीने फुलांचा वापर करत अतिशय कलात्मक आणि देखणी सजावट करण्यात आली आहे. बाप्पासमोर फुलांनी आकर्षक रांगोळीही साकारण्यात आली आहे. त्यामुळे नाना पाटेकर यांच्या घरातील गणेशोत्सवाचा साधेपणा आणि मराठमोळा अंदाज या फोटोंमधून प्रकर्षाने जाणवतो.
3 / 5
फोटोमध्ये नाना पाटेकर स्वतः बाप्पाच्या आरासीजवळ बसून सजावटीत सहभागी झाल्याचं दिसत आहे. त्यांच्यासोबत राहुल देशपांडेही पारंपरिक कुर्त्यात दिसत आहेत. बाप्पाच्या सेवेत कलाकारही मनापासून रमलेले पाहायला मिळतात. त्यामुळे हा फोटो केवळ गणपतीच्या सजावटीचा नसून, कलाकारांच्या साध्या आणि आपुलकीच्या गणेशोत्सवाची झलक देणारा ठरला आहे.
4 / 5
नाना पाटेकर यांच्या घराच्या आतील भागातही जुन्या काळातील आठवणी जपणारी सजावट दिसते. भिंतींवर काही जुनी छायाचित्रे, लाकडी छत आणि पारंपरिक वातावरण यामुळे घराला एक वेगळाच क्लासिक लूक मिळतो. आधुनिक सजावटीपेक्षा घराच्या मूळ व्यक्तिमत्त्वाला जपणारी ही शैली चाहत्यांच्या विशेष पसंतीस उतरत आहे.
