Salman Khan : स्विमिंग पूल, जिम आणि हिरवीगार शेती… सलमान खानच्या 150 एकरांच्या फार्महाऊसमध्ये काय काय पिकतं ?
सलमान खानचे पनवेलमधील 150 एकरवर पसरलेले 'अर्पिता फार्म्स' आलिशान सुविधा व निसर्गरम्य वातावरणासाठी प्रसिद्ध आहे. येथे सेंद्रिय पद्धतीने शेतीही केली जाते. ज्यात सलमान स्वतःही सहभागी होतो. शहराच्या गजबजाटातून दूर, निसर्गाच्या सान्निध्यात शांत क्षण घालवण्यासाठी हे त्याचे आवडते ठिकाण आहे.
अभिनेता, बॉलिवूडचा दबंग स्टार सलमान खान याच्याप्रमाणेच त्याच फार्महाऊसही खूप फेमस आहे. 'अर्पिता फार्म्स' हे फार्महाऊस तब्बल 150 एकरांमध्ये पसरलेलं आहे. आलिशान सुविधा आणि निसर्गरम्य वातावरणामुळे हे फार्महाऊस नेहमीच चर्चेत असतं. तिथे अनेकदा पार्टी होत असते, सलनान कधी त्याच्या कुटुंबियांसह, तर कधी मित्रांसह तिथे निवांत वेळ घालवतो. खान कुटुंबीयही अनेकदा तिथे रिलॅक्स व्हायला होता.
1 / 6
पनवेलमध्ये असलेल्या या फार्महाऊसमध्ये लक्झरी कॉटेज, स्विमिंग पूल, जिम आणि घोडेस्वारीच्या सुविधा आहेत. मात्र, याचबरोबर शेतीसाठीही मोठा भूभाग राखून ठेवण्यात आला आहे. या फार्महाऊसचं नाव सलमानची बहीण अर्पिता हिच्या नावावरून ठेवण्यात आलं आहे.
2 / 6
विशेष म्हणजे येथे हंगामानुसार भात, गहू, ताज्या भाज्या आणि विविध प्रकारची सेंद्रिय फळे पिकवली जातात. सेंद्रिय शेतीला विशेष प्राधान्य दिलं जात असल्याचं विविध माध्यमांतील अहवालांमध्ये नमूद करण्यात आलं आहे. तिथे फार्महाऊसमध्ये आंबा, नारळ, केळी यांसारख्या अनेक फळझाडांची लागवड करण्यात आली आहे. हिरवाईने नटलेलं हे ठिकाण निसर्गप्रेमींसाठी आकर्षणाचं केंद्र ठरतं.
3 / 6
सलमान खान अनेकदा स्वतः शेतात काम करताना दिसला आहे. धान्याची लागवड, ट्रॅक्टर चालवणे आणि शेतीची कामे करतानाचे त्याचे फोटो व व्हिडिओ सोशल मीडियावर मोठ्या प्रमाणात व्हायरल झाले आहेत.
4 / 6
कोरोना महामारीच्या काळात सलमानने बराच काळ पनवेलमधील फार्महाऊसवर घालवला. त्या काळात त्याने शेती आणि निसर्गाच्या सान्निध्यात वेळ घालवल्याची झलक चाहत्यांना पाहायला मिळाली. तिथे अनेकदा सेलिब्रिटींसोबत, सलमानची मित्रांसोबत पार्टी देखील होत असते.
5 / 6
सलमान खान याने अनेकदा सांगितलं आहे की, त्याला निसर्गाच्या जवळ राहायला आवडतं. त्यामुळे शूटिंगमधून वेळ मिळताच तो पनवेलमधील या फार्महाऊसवर जाऊन निवांत क्षण घालवतो. त्याचे अनेक फोटो व्हिडीओही समोर आले असून चाहत्यांना देखील हे फार्महाऊस खूप आवडतं.
