गद्दार बदलले, चेहरे बदलले पण विचार नाही.. ठाकरे गटाकडून सणसणीत चपराक, मुंबईभर बॅनर्स लावत हल्लाबोल
शिवसेनेच्या 60 व्या वर्धापनदिनी पक्षाला पुन्हा फुटीचा धक्का बसला आहे. ठाकरे गटातील 6 खासदार शिंदे गटात सामील होणार असल्याच्या चर्चेने राजकीय खळबळ उडाली आहे. या पार्श्वभूमीवर ठाकरे गट आणि शिंदे गट दोन्हीही आज मुंबईत मेळावे आयोजित करत आहेत. उद्धव ठाकरे बंडखोर खासदारांना काय सुनावतात याकडे लक्ष आहे, तर मुंबई पोलीस हाय अलर्टवर आहेत.
शिवसेना ठाकरे गटाचील 6 खासदारांनी बंडखोरी केल्यामुळे पक्षात पुन्हा फूट पडली असून मोठी खळबळ माजली आहे. ठाकरेंची साथ सोडून हे सहा खासदार शिवसेना शिंदे गटात जाणार असल्याच्या चर्चा असून राजकीय भूकंपामुळे राज्य हादरलं आहे. एकीकडे पक्ष फुटीच्या उंबरठ्यावर असतानाच आज (19 जून) शिवेसेनेचा 60 वा, हिरक महोत्सवी वर्धापन दिन असून त्यानिमत्ताने ठाकरे गटाकडून षण्मुखानंद सभागृहात मोठ्या कार्यक्रमाचे आयोजन करण्यात आले. शिवसेना पक्षप्रमुख उद्धव ठाकरे यावेळी काय बोलतात, बंडखोर खासदारांना काय सुनावतात, याकडे सर्वांचे लक्षा लागले आहे. तर शिवसेना शिंदे गटाकडून गोरगावच्या नेस्कोमध्ये मेळाव्याचे आयोजन करण्यात आले आहे.
1 / 6
शिवसेनेच्या वर्धापन दिनानिमित्त ठाकरे गटाच्या कार्यक्रमाच्या पार्श्वभूमीवर मुंबईत ठिकठिकाणी बॅनरबाजी करण्यात आली आहे. ' गद्दार बदलले, चेहरे बदलले पण विचार नाही' असे बॅनर अख्ख्या मुंबई शहरात ठिकठिकाणी लावण्यात आले असून गद्दारांवर टीकास्त्र सोडण्यात आलं आहे.
2 / 6
तसेच आणखीही काही बॅनर शिवसेनेतर्फे लावण्यात आले असून त्यावर शिवसेनाप्रमुख बाळासाहेब ठाकरे, उद्धव ठाकरे आणि आदित्य ठाकरे यांचा फोटो आहे. जळलो, झुंजलो,उभे राहिलो... विश्वासघाताच्या राखेतून पुन्हा उभी राहण्याची जिद्द... हा इतिहास आहे शिवसेनेचा, 60 वर्ष अग्निपथावर.. असंही काही बॅनरवर लिहीण्यात आलंय.
3 / 6
दरम्यान शिवसेनेच्या दोन्ही गटांच्या आज सभा आणि संभाव्य पक्षांतराच्या पार्श्वभूमीवर मुंबई पोलीस हाय अलर्टवर आहे. सहा खासदारांच्या शिंदे गटात सामील होण्याच्या शक्यतेच्या पार्श्वभूमीवर शिवसेनेच्या प्रतिस्पर्धी यूबीटी आणि शिंदे गटाच्या आज सभा आहेत . त्यामुळे आज मुंबई पोलिसांनी शहरात हाय अलर्ट जारी केला आहे. मुंबईतील प्रमुख ठिकाणी संघर्ष, निदर्शने आणि व्यत्यय टाळण्यासाठी पोलीस अधिकारी सज्ज झालेत.
4 / 6
शिवसेनेच्या दोन्ही गटांच्या सभांच्या पार्श्वभूमीवर मुंबई पोलिसांनी आज आपल्या संपूर्ण यंत्रणेला सतर्क राहण्यास सांगितलं आहे. शहर पोलीस मुख्यालयाने सर्व उपआयुक्तांना सतर्क राहण्याचे आवाहन केलं आहे. गोरेगावमधील नेस्को (NESCO) येथे होणारी शिवसेनेची सभा विस्कळीत करण्याचा आणि निदर्शने करण्याचा प्रयत्न होऊ शकतो. याशिवाय, षण्मुखानंद हॉल येथे होणाऱ्या शिवसेनेच्या यूबीटी सभेत मोठ्या संख्येने पक्षाचे समर्थक उपस्थित राहू शकतात आणि शक्तीप्रदर्शन करण्याचे प्रयत्न होऊ शकतात.
5 / 6
शहरभर दोन्ही गटांच्या नेत्यांकडून आक्रमक भूमिका अपेक्षित आहे. त्या पार्श्वभूमीवर आज मुंबई पोलीस दलाला पूर्णपणे सज्ज राहण्याचे निर्देश वरिष्ठ पोलीस अधिकाऱ्यांन मार्फत देण्यात आलेला आहे. एकनाथ शिंदे यांच्या नेतृत्वाखालील शिवसेनेचा वर्धापन मेळावा गोरेगाव येथील नेस्को सेंटरमध्ये पार पडणार आहे. आजच्या मेळाव्यात उपमुख्यमंत्री एकनाथ शिंदे काय बोलणार, आणि 6 खासदार खरंच मंचावर येणार का, याकडे संपूर्ण महाराष्ट्राचे लक्ष लागलं आहे.
