बॉलिवूडमध्ये कॉमेडी चित्रपटांची नेहमीच मोठी क्रेझ पाहायला मिळते. प्रेक्षकांना हलकाफुलका मनोरंजन आवडत असल्यामुळे अनेक निर्माते मोठ्या स्टारकास्टसह कॉमेडी चित्रपट बनवतात. मात्र, केवळ मोठे कलाकार आणि मोठे बजेट असले म्हणजे चित्रपट हिट होतोच असे नाही.
1 / 6
अनेक वेळा कमकुवत कथा, ओव्हरअॅक्टिंग आणि जबरदस्तीचे विनोद यामुळे चित्रपट प्रेक्षकांच्या पसंतीस उतरू शकत नाहीत. काही चित्रपट तर असे ठरले की, लोकांना हसवण्याऐवजी त्यांनी प्रेक्षकांचे डोकेच दुखवले. आज आपण अशाच काही बॉलिवूड कॉमेडी चित्रपटांविषयी जाणून घेणार आहोत, जे बॉक्स ऑफिसवर अपयशी ठरले.
2 / 6
2019 मध्ये प्रदर्शित झालेला अनीस बज्मी दिग्दर्शित ‘पागलपंती’ हा चित्रपट याच यादीत मोडतो. या चित्रपटात अनिल कपूर, जॉन अब्राहम, अरशद वारसी आणि इलियाना डिक्रूज यांसारखी मोठी स्टारकास्ट होती. इतके दमदार कलाकार असूनही चित्रपटाची कथा अत्यंत कमकुवत होती. प्रेक्षकांना चित्रपटातील विनोद जबरदस्तीचे आणि गोंधळाने भरलेले वाटले. कॉमेडीपेक्षा चित्रपटात फक्त आरडाओरडा आणि अतिरेक दिसून आल्याने प्रेक्षकांनी या चित्रपटाकडे पाठ फिरवली. परिणामी हा चित्रपट बॉक्स ऑफिसवर मोठा फ्लॉप ठरला.
3 / 6
2013 मध्ये आलेला ‘हिम्मतवाला’ हा चित्रपटदेखील प्रेक्षकांच्या अपेक्षांवर पाणी फेरणारा ठरला. साजिद खान दिग्दर्शित या चित्रपटात अजय देवगण आणि तमन्ना भाटिया मुख्य भूमिकेत होते. चित्रपटातील कॉमेडी, अतिशयोक्तीपूर्ण सीन आणि कमकुवत पटकथा यामुळे प्रेक्षक निराश झाले. अजय देवगणसारख्या गंभीर अभिनयासाठी ओळखल्या जाणाऱ्या अभिनेत्याला अशा प्रकारच्या विनोदी भूमिकेत पाहणे चाहत्यांना पसंत पडले नाही.
4 / 6
2022 मध्ये प्रदर्शित झालेल्या ‘सर्कस’ या चित्रपटाकडूनही प्रेक्षकांना मोठ्या अपेक्षा होत्या. रणवीर सिंह, वरुण शर्मा, जॅकलिन फर्नांडिस आणि पूजा हेगडे यांसारखे कलाकार या चित्रपटात झळकले होते. याशिवाय संजय मिश्रा आणि जॉनी लिव्हर यांसारखे अनुभवी विनोदी कलाकार असूनही चित्रपटाला यश मिळाले नाही.
5 / 6
2016 मध्ये रिलीज झालेला ‘ग्रेट ग्रँड मस्ती’ हा चित्रपटदेखील वादाच्या भोवऱ्यात सापडला होता. रितेश देशमुख, विवेक ओबेरॉय आणि आफताब शिवदासानी या कलाकारांनी यात मुख्य भूमिका साकारल्या होत्या. हा एक अडल्ट कॉमेडी चित्रपट होता. चित्रपटात डबल मीनिंग जोक्स आणि अश्लीलतेचा अतिरेक असल्याचा आरोप करण्यात आला होता. अश्लील विनोदांमुळे हा चित्रपट प्रेक्षकांच्या मनात स्थान निर्माण करू शकला नाही.
