Marathi News Photo gallery Vande Bharat Sleeper Train Photos Indian Railways Premium Long Distance Rail Travel
स्लाईडिंग दरवाजे, 5 स्टारचा अनुभव अन्…; वंदे भारत स्लीपर कोचचे खास Photos समोर
भारतीय रेल्वेने वंदे भारत स्लीपर ट्रेनची घोषणा केली आहे, ज्यामुळे देशांतर्गत लांब पल्ल्याचा प्रवास अधिक आरामदायी होईल. 'मेक इन इंडिया' अंतर्गत बनवलेल्या या आधुनिक ट्रेनमध्ये स्वयंचलित दरवाजे, प्रत्येक बर्थवर चार्जिंग पॉईंट्स आणि सुरक्षा कवच प्रणाली आहे.
भारतीय रेल्वेने देशांतर्गत प्रवासाचा अनुभव पूर्णपणे बदलण्यासाठी एक महत्त्वाचे पाऊल उचलले आहे. वंदे भारत एक्सप्रेसला प्रवाशांचा भरभरुन मिळणारा प्रतिसाद पाहता आता रेल्वेने यातील स्लीपर ट्रेन सुरु करण्याचा निर्णय घेतला आहे.
1 / 10
सध्या वंदे भारत स्लीपर कोच ट्रेनची चाचणी केली जात आहे. प्रवाशांचा लांब पल्ल्याचा रात्रीचा प्रवास अत्यंत आरामदायक व्हावा यासाठी स्वदेशी (मेक इन इंडिया) तंत्रज्ञानावर आधारित या ट्रेनची निर्मिती केली जात आहे.
2 / 10
या ट्रेनचा लूक अत्यंत आकर्षक आणि मॉर्डन असल्याचे दिसत आहे. या ट्रेनला प्रीमियम युरोपीय ट्रेन्ससारखा लूक देण्यात आला आहे. यामुळे प्रवासादरम्यान येणारा आवाज आणि धक्के मोठ्या प्रमाणावर कमी होणार आहेत.
3 / 10
वंदे भारत एक्सप्रेसचा आतला भाग पूर्णपणे आधुनिक असून एसी स्लीपर कोचेसमध्ये स्वयंचलित दरवाजे असणार आहेत. त्यासोबतच सॉफ्ट LED लाईटिंग आणि प्रत्येक बर्थवर चार्जिंग पॉईंट्स उपलब्ध आहेत.
4 / 10
यासोबतच प्रत्येक बर्थला वैयक्तिक रीडिंग लाईट आणि फोल्डेबल टेबल देखील देण्यात आले आहे. या ट्रेनमध्ये फर्स्ट एसी (First AC), सेकंड एसी (Second AC) आणि थर्ड एसी (Third AC) असे तीन वर्ग आहेत.
5 / 10
यातील फर्स्ट एसीमध्ये प्रायव्हसीसाठी स्लाईडींग दरवाजांची खास सुविधा देण्यात आली आहे. तसेच प्रवाशांच्या सुरक्षिततेसाठी अत्याधुनिक सुरक्षा प्रणाली कवचही बसवण्यात येणार आहे. ज्यामुळे ट्रेन अपघातांपासून वाचू शकते.
6 / 10
याव्यतिरिक्त, सीसीटीव्ही कॅमेरे आणि फायर डिटेक्शन सिस्टिम देखील उपलब्ध आहेत. या वंदे भारत स्लीपर ट्रेनचा कमाल वेग 160 किमी प्रति तास इतका असेल.
7 / 10
ही ट्रेन पारंपरिक स्लीपर ट्रेन्सच्या तुलनेत 20 ते 25 टक्के जलद गतीने धावणार असल्याने प्रवाशांच्या वेळेची मोठी बचत होणार आहे.
8 / 10
विशेष म्हणजे, यात एनर्जी एफिशियन्टं प्रणाली, रीजनरेटिव्ह ब्रेकिंग आणि कमी आवाजाचे तंत्रज्ञान वापरले गेले आहे. ज्यामुळे ऊर्जेची बचत होणार आहे. तसेच पर्यावरणावरील ताण कमी परिणाम होईल.
9 / 10
रेल्वे मंत्रालयाच्या माहितीनुसार, पहिल्या स्लीपर ट्रेनच्या चाचण्या पूर्ण झाल्यावर लवकरच ती प्रमुख मार्गांवर धावेल. यानंतर टप्प्याटप्प्याने देशभरात अशा अनेक ट्रेन्स चालवण्याची योजना आहे.
