‘उठा उठा आषाढी आली, ‘स्वबळावर’ गाडी चालवत पंढरीला जायची वेळ आली’, सदाभाऊ खोतांची खोचक टीका
मुख्यमंत्री स्वत: ड्रायव्हिंग करत पंढरपूरच्या दिशेनं रवाना झाले आहेत. त्यावरुन भाजपसह अन्य विरोधी पक्षाच्या नेत्यांनी मुख्यमंत्र्यांवर जोरदार टीका केलीय. रयत क्रांती संघटनेचे नेते आणि माजी मंत्री सदाभाऊ खोत यांनीही मुख्यमंत्र्यांना जोरदार टोला लगावला आहे.
मुंबई : आषाढी एकादशीला होणाऱ्या विठ्ठलाच्या महापूजेसाठी मुख्यमंत्री उद्धव ठाकरे आज दुपारी पंढरपूरकडे रवाना झाले आहेत. थोड्याच वेळात ते पंढरपूरमध्ये पोहोचतील. खराब हवामान आणि मुसळधार पावसामुळे विमानानं जाणं शक्य नसल्यामुळे मुख्यमंत्री रस्तेमार्गानेच पंढरपूरकडे रवाना झाले आहेत. मुख्यमंत्री स्वत: ड्रायव्हिंग करत पंढरपूरच्या दिशेनं रवाना झाले आहेत. त्यावरुन भाजपसह अन्य विरोधी पक्षाच्या नेत्यांनी मुख्यमंत्र्यांवर जोरदार टीका केलीय. रयत क्रांती संघटनेचे नेते आणि माजी मंत्री सदाभाऊ खोत यांनीही मुख्यमंत्र्यांना जोरदार टोला लगावला आहे. (Sadabhau Khot criticizes CM Uddhav Thackeray, Uddhav Thackeray drove to Pandharpur)
उठा उठा आषाढी आली, ‘स्वबळावर’ गाडी चालवत पंढरीला जायची वेळ झाली, अशा शब्दात सदाभाऊ खोत यांनी मुख्यमंत्र्यांवर खोचक टीका केलीय. खोत यांनी ट्विटरच्या माध्यमातून मुख्यमंत्र्यांना टोला लगावला आहे. नेहमीच्या मर्सिडीज ऐवजी रेंज रोव्हर गाडी घेऊन मुख्यमंत्री पंढरपूरकडे रवाना झाले. ही गाडी आदित्य ठाकरे वापरत असतात. पण सध्या पावसाचा धोका, तुंबलेलं पाणी यामुळे उंच गाडी हवी, म्हणून मुख्यमंत्री ते वापरत असलेली मर्सिडीज ऐवजी आदित्य ठाकरे वापरत असलेले रेंज रोव्हर गाडी घेऊन पंढरपूरकडे रवाना झाले.
उठा उठा आषाढी आली…
“स्वबळावर” गाडी चालवत पंढरीला जायची वेळ झाली…?#माझे_कुटुंब_हाच_महाराष्ट्र https://t.co/sppCb9rkU3
— Sadabhau Khot (@Sadabhau_khot) July 19, 2021
निलेश राणेंचा जोरदार प्रहार
‘जो माणूस महाराष्ट्र हातात येऊन चालू शकला नाही, तो माणूस गाडी चालवत मुंबईबाहेर गेला तर त्यात काय मोठा पराक्रम??? विठ्ठलाची कितीही सेवा केली तरी या मुख्यमंत्र्याला विठ्ठल माफ करणार नाही. कारण, इतक्या सहजपणे महाराष्ट्राची वाट लावणाऱ्या व्यक्तीला माफी नाही’, अशा शब्दात निलेश राणे यांनी मुख्यमंत्री उद्धव ठाकरे यांच्यावर जोरदार प्रहार केलाय.
जो माणूस महाराष्ट्र हातात येऊन चालू शकला नाही तो माणूस गाडी चालवत मुंबईबाहेर गेला तर त्यात काय मोठा पराक्रम??? विठ्ठलाची कितीही सेवा केली तरी या मुख्यमंत्र्याला विठ्ठल माफ करणार नाही कारण इतक्या सहज पणे महाराष्ट्राची वाट लावणाऱ्या व्यक्तीला माफी नाही. https://t.co/OpzeNrvjym
— Nilesh N Rane (@meNeeleshNRane) July 19, 2021
केशव उपाध्येंचीही टीका
भाजपचे मुख्य प्रवक्ते केशव उपाध्ये यांनीही ट्वीटरच्या माध्यमातून मुख्यमंत्र्यांवर जोरदार हल्ला चढवलाय. ‘जनतेचे जिणे हराम, मुख्यमंत्र्यांचे घरातून काम. पावसाने मुंबईचा चक्का जाम, मुख्यमंत्र्यांचे घरातूनच काम. एमपीएससी विद्यार्थ्याचा जीवनाला रामराम, तरीही मुख्यमंत्र्यांचे घरातूनच काम. तुका म्हणे माझा विठ्ठल झाकोळला. वारकरी भक्तांना बसवुनी घरी, फोटोमध्ये झळकती मुख्यमंत्री…’ अशा ओळीद्वारे उपाध्ये यांनी मुख्यमंत्र्यांवर जोरदार टीका केलीय.
जनतेचे जिणे हराम मुख्यमंत्र्यांचे घरातून काम
पावसाने मुंबईचा चक्का जाम मुख्यमंत्र्यांचे घरातूनच काम
एमपीएससी विद्यार्थ्याचा जीवनाला रामराम तरीही मुख्यमंत्र्यांचे घरातूनच काम
तुका म्हणे माझा विठ्ठल झाकोळला… वारकरी भक्तांना बसवुनी घरी, फोटोमध्ये झळकती मुख्यमंत्री…
— Keshav Upadhye (@keshavupadhye) July 19, 2021
संबंधित बातम्या :
Sadabhau Khot criticizes CM Uddhav Thackeray, Uddhav Thackeray drove to Pandharpur
