तर… 4 जून मोदी मुक्ती दिन, संविधान हत्या दिवसवरून काँग्रेस नेत्याचा हल्लाबोल
केंद्र सरकारने 25 जून हा संविधान हत्या दिन म्हणून घोषित केला. यावरून कॉंग्रेस आणि समाजवादी पक्षाने मोदी यांच्यावर हल्लाबोल केला. काँग्रेस जयराम रमेश यांनी "भारतातील लोकांसाठी 4 जून 2024 हा दिवस इतिहासात मोदी मुक्ती दिवस म्हणून ओळखला जाईल.'' असा टोला लगावला.
केंद्र सरकारने 25 जून हा दिवस संविधान हत्या दिन म्हणून घोषित केला आहे. यावरून काँग्रेससह अनेक विरोधी नेत्यांनी भाजप आणि पंतप्रधान नरेंद्र मोदी यांच्यावर निशाणा साधला. काँग्रेस सरचिटणीस जयराम रमेश यांनी ट्विटरवर एक पोस्ट केली आहे. गैरजैविक पंतप्रधान पुन्हा एकदा ढोंगीपणाने भरलेली हेडलाइन तयार करण्याचा प्रयत्न करत आहेत अशी टीका त्यांनी केली आहे. “हे तेच गैर-जैविक पंतप्रधान आहेत, ज्यांच्या वैचारिक कुटुंबाने नोव्हेंबर 1949 मध्ये भारताची राज्यघटना मनुस्मृतीने प्रेरित नसल्याच्या कारणावरून नाकारली होती. ज्यांच्यासाठी लोकशाही म्हणजे केवळ खुर्ची आहे.” असा टोलाही जयराम रमेश यांनी लगावला.
केंद्र सरकारने 25 जून हा संविधान हत्या दिन म्हणून घोषित केला. यावरून कॉंग्रेस आणि समाजवादी पक्षाने मोदी यांच्यावर हल्लाबोल केला. काँग्रेस जयराम रमेश यांनी “भारतातील लोकांसाठी 4 जून 2024 हा दिवस इतिहासात मोदी मुक्ती दिवस म्हणून ओळखला जाईल.” असा टोला लगावला. ”या दिवशी निर्णायक वैयक्तिक, राजकीय आणि नैतिक पराभव होण्यापूर्वी त्यांनी (PM मोदी) अघोषित लढा दिला. दहा वर्षे हे तेच गैर जैविक पंतप्रधान आहेत ज्यांनी भारतीय संविधान आणि तिची तत्त्वे, मूल्ये आणि संस्थांवर पद्धतशीर हल्ला केला आहे.” अशी टीकाही जयराम रमेश यांनी केली.
केंद्र सरकारच्या या निर्णयाला समाजवादी पक्षानेही विरोध केला आहे. पक्षाचे प्रमुख अखिलेश यादव यांनी ट्विटरवर पोस्ट केली आहे. “30 जानेवारी हा बापू हत्येचा दिवस आणि लोकशाही हत्येचा संयुक्त दिवस म्हणून साजरा केला जावा. कारण, या दिवशी भाजपने चंदीगडच्या महापौर निवडणुकीत हेराफेरी केली होती.” अशी टीकाही केली. यावेळी त्यांनी हत्या दिनासंदर्भात भाजपला अनेक प्रश्न विचारले आहेत.
अखिलेश यादव यांनी भाजपला विचारले की, मणिपूरमध्ये महिला सन्मान हत्या दिन साजरा करणार का? हातरस कन्या हत्येचा दिवस, लखीमपूरमध्ये शेतकरी हत्येचा दिवस, कानपूर देहाटमध्ये आई-मुलीची हत्या दिवस, तीन काळ्या कायद्यांमुळे कृषी हत्या दिन, पेपर फुटल्याने परीक्षा यंत्रणेचा खून दिवस, अग्निवीरकडून जनरल आर्मी रिक्रुटमेंट किलिंग डे, बेरोजगारीमुळे तरुणांच्या स्वप्नांच्या हत्येचे दिवस हे दिवसही साजरे करणार आहात का असा जळजळीत सवाल केला आहे.
वाढत्या महागाईमुळे सर्वसामान्य कुटुंबांचे भवितव्य मारले जात आहे. नोटाबंदी आणि जीएसटीच्या अंमलबजावणीमुळे व्यवसायाचे दिवस मारले गेले. यश भारतीसारखे पुरस्कार बंद केल्याने प्रतिभा आणि आदरदिनाचा खून झाला. लोकसंख्येच्या प्रमाणात प्रतिनिधित्व न देऊन सामाजिक न्यायाचा दिवस मारला गेला. सरकारी नोकरीच्या संधी संपवून आरक्षणाचे दिवस मारले. ईव्हीएम न काढल्याने बॅलेट पेपरच्या हत्याकांडाचा दिवस संशयास्पद ठरला अशी टीकाही त्यांनी मोदी सरकारवर केली.
