GT vs RCB : आरसीबी 12 डावानंतर ऑलआऊट, गुजरातसमोर 156 रन्सचं टार्गेट, कोण जिंकणार?
Gujarat Titans vs Royal Challengers Bengaluru, 1st Innings Hihglight : गुजरात टायटन्सने रॉयल चॅलेंजर्सला मोठी धावसंख्या करण्यापासून रोखलं आहे. त्यामुळे गुजरातला आता विजयासाठी प्रत्येक ओव्हरमध्ये 7.80 च्या रनरेटने धावा कराव्या लागणार आहेत.
आयपीएल स्पर्धेच्या 19 व्या मोसमातील (IPL 2026) 42 व्या सामन्यात गुजरात टायटन्सने घरच्या मैदानात पाहुण्या रॉयल चॅलेंजर्स बंगळुरुचं पॅकअप केलं आहे. आरसीबीचे फलंदाज गुजरातच्या गोलंदाजांसमोर 20 ओव्हर खेळण्यात अपयशी ठरले. गुजरातने आरसीबाला 19.1 ओव्हरमध्ये 155 रन्सवर ऑलआऊट केलं. आरसीबीची या स्पर्धेत 12 डावानंतर ऑलआऊट होण्याची पहिली आणि 2025 नंतर दुसरी वेळ ठरली. दोन्ही संघांची ही 19 व्या मोसमात आमनेसामने येण्याची ही दुसरी वेळ आहे. आरसीबीने 24 एप्रिलला गुजरातला 5 विकेट्सने पराभूत केलं होतं. त्यामुळे आता गुजरात त्या पराभवाची परतफेड करत आरसीबी विरुद्ध विजय मिळवणार का? हे पाहणं महत्त्वाचं ठरणार आहे.
आरसीबीची बॅटिंग
गुजरातने टॉस जिंकून आरसीबाला बॅटिंगसाठी बोलावलं. आरसीबीला जेकब बेथल आणि विराट कोहली या सलामी जोडीने संयमी सुरुवात मिळवून दिली. दोघांनी पहिल्या विकेटसाठी 34 रन्स केल्या. जेकब बेथल याने 5 धावा केल्या. जेकबनंतर विराट कोहली आऊट झाला. विराटने 28 धावा केल्या. त्यामुळे आरसीबीची 34-0 वरुन 35-2 अशी स्थिती झाली.
देवदत्त पडीक्कल आणि रजत पाटीदार या दोघांनी झटपट 2 विकेट्स गमावल्यानंतर आरसीबीचा डाव सावरला. मात्र पंचांच्या वादग्रस्त निर्णयामुळे रजतला मैदानाबाहेर जावं लागलं. त्यानंतर आरसीबीच्या घसरगुंडीला सुरुवात झाली. गुजरातने आरसीबीला 47 धावांच्या मोबदल्यात 6 झटके दिले. रजतने 15 बॉलमध्ये 19 रन्स केल्या. जितेश शर्मा 1, टीम डेव्हिड 9 आणि कृणाल पंड्या याने 4 धावा करुन मैदानाबाहेरचा रस्ता धरला. देवदत्त पडीक्कल याने गुजरातसाठी सर्वाधिक धावा केल्या. देवदत्तने 24 बॉलमध्ये 40 रन्स केल्या. तर रोमरियो शेफर्ड याने 17 धावा केल्या. त्यामुळे आरसीबीची स्थिती 14.1 ओव्हरमध्ये 8 आऊट 126 अशी झाली.
लाईव्ह स्कोअरकार्ड
त्यानंतर अखेरच्या क्षणी वेंकटेश अय्यर आणि भुवनेश्वर कुमार या दोघांनी छोटेखानी मात्र निर्णायक धावा जोडल्या. त्यामुळे आरसीबीला 150 पार पोहचता आलं. वेंकटेश अय्यर याने 15 बॉलमध्ये 1 फोरसह 12 रन्स केल्या. तर भुवनेश्वर कुमार याने 100 च्या स्ट्राईक रेटने नॉट आऊट 15 रन्स केल्या. तर जोश हेझलवूड रन आऊट होताच आरसीबीचं पॅकअप झालं.
आरसीबीसाठी एकूण 5 गोलंदाजांनी बॉलिंग केली. त्यापैकी अर्शद खान याने सर्वाधिक 3 विकेट्स मिळवल्या. राशिद खान आणि जेसन होल्डर या दोघांनी प्रत्येकी 2-2 विकेट्स मिळवल्या. तर मोहम्मद सिराज आणि कगिसो रबाडा या दोघांनी प्रत्येकी 1-1 विकेट मिळवली.
