IND vs WI : केएल, जुरेल-जडेजाचा शतकी धमाका, दुसरा दिवसही भारताचा, विंडीज विरुद्ध 286 धावांची आघाडी
India vs West Indies 1st Test Day 2 Highlights and Updates : केएल राहुल, ध्रुव जुरेल आणि रवींद्र जडेजा या भारताच्या त्रिकुटाने शतक ठोकत अहमदाबाद कसोटीतील दुसरा दिवस गाजवला. या तिघांच्या शतकी खेळीच्या जोरावर भारताने विंडीजच्या 162 च्या प्रत्युत्तरात 5 बाद 448 पर्यंत मजल मारली आहे.
शुबमन गिल याच्या नेतृत्वात टीम इंडियाने विंडीज विरूद्धच्या पहिल्या कसोटीतील दुसरा दिवसही आपल्या नावावर केला आहे. टीम इंडियासाठी दुसऱ्या दिवशी एकूण तिघांनी शतकी खेळी केली. त्यामुळे भारताला 400 पार मजल मारता आली. भारताने दुसऱ्या दिवशी एकूण 327 धावा जोडल्या. भारताने अशाप्रकारे दुसऱ्या दिवसाचा खेळ संपेपर्यंत विंडीजच्या 162 च्या प्रत्युत्तरात 128 ओव्हरमध्ये 5 विकेट्स गमावून 448 धावा केल्या आहेत. भारताने अशाप्रकारे एकूण 286 धावांची आघाडी घेतली आहे.
टीम इंडियाने विंडीजला 162 वर गुंडाळल्यानंतर पहिल्या दिवसाचा खेळ संपेपर्यंत 2 विकेट्स गमावून 38 ओव्हरमध्ये 121 रन्स केल्या होत्या. त्यानंतर केएल राहुल आणि शुबमन गिल या जोडीने दुसऱ्या दिवसाच्या खेळाला सुरुवात केली. या जोडीने तिसऱ्या विकेटसाठी 98 रन्सची पार्टनरशीप केली. भारताने कॅप्टन शुबमन गिलच्या रुपात तिसरी विकेट गमावली. शुबमनने 100 बॉलमध्ये 5 फोरसह 50 रन्स केल्या. त्यामुळे भारताचा स्कोअर 3 आऊट 188 असा झाला.
त्यानंतर केएल आणि ध्रुव या दोघांनी भारताचा डाव चालवला. या दरम्यान केएलने त्याच्या कसोटी कारकीर्दीतील 11 वं आणि मायदेशातील दुसरं शतक ठोकलं. मात्र शतकानंतर केएल आऊट झाला. केएलने 197 बॉलमध्ये 12 फोरसह 100 रन्स केल्या. केएल आऊट झाल्याने टीम इंडियाचा स्कोअर 4 आऊट 218 असा झाला. विंडीजने अशाप्रकारे ने 30 धावांच्या अंतराने भारताला आणखी एक झटका दिला. भारताने अशाप्रकारे ठराविक अंतराने 2 विकेट्स गमावले.
पाचव्या विकेटसाठी द्विशतकी भागीदारी
केएल आऊट झाल्यानंतर उपकर्णधार आणि ऑलराउंडर रवींद्र जडेजा मैदानात आला. जडेजा-जुरेल जोडीने विंडीजला चांगलंच रडवलं. या दोघांनी पाचव्या विकेटसाठी द्विशतकी भागीदारी केली. ध्रुवने या दरम्यान कसोटी कारकीर्दीतील पहिलंवहिलं शतक झळकावलं. ध्रुवला आणखी मोठी खेळी करण्याची संधी होती. मात्र ध्रुव 125 रन्सवर आऊट झाला. अशाप्रकारे विंडीजने ध्रुव-जडेजा जोडी फोडली. या दोघांनी पाचव्या विकेटसाठी 206 रन्स जोडल्या.
भारताचा दुसऱ्या दिवशीही दबदबा
That’s Stumps on Day 2!
1⃣0⃣0⃣s from KL Rahul, Dhruv Jurel, and Ravindra Jadeja ✅#TeamIndia with a massive lead of 286 runs 💪
Scorecard ▶️ https://t.co/MNXdZceTab#INDvWI | @IDFCFIRSTBank pic.twitter.com/cyPiBC6V4I
— BCCI (@BCCI) October 3, 2025
ध्रुवनंतर ऑलराउंडर वॉशिंग्टन सुंदर जडेजाची साथ देण्यासाठी मैदानात आला. या दोघांनी सहाव्या विकेटसाठी विकेटसाठी दिवसाचा खेळ संपेपर्यंत नाबाद 24 धावांची भागीदारी केली. रवींद्र जडेजा याने या दरम्यान सहावं कसोटी शतक पूर्ण केलं. भारताने अशाप्रकारे 128 ओव्हरमध्ये 5 विकेट्स गमावून 448 रन्स केल्या आणि 286 धावांची भक्कम आघाडी घेतलीय. जडेजाने 5 सिक्स आणि 6 फोरसह नाबाद 104 रन्स केल्या. तर वॉशिंग्टन सुंदर 9 रन्सवर नॉट आऊट आहे. विंडीजसाठी कॅप्टन रोस्टन चेज याने दोघांना बाद केलं. तर जोमेल वॉरिकन, खारी पियरे आणि जेडन सिल्स या तिघांनी प्रत्येकी 1-1 विकेट मिळवली.
