4,6,6,4,4,4, ऋषभ पंत याची राक्षसी खेळी, वेंकटेश अय्यरला झोडत सलग दुसरं अर्धशतक
Rishabh Pant Fifty Dc vs Kkr : ऋषभ पंत याने वेंकटेश अय्यर याच्या ओव्हरमध्ये खणखणीत सिक्स आणि चौकार ठोकत 28 धावा केल्या. पंतने यासह सलग दुसरं अर्धशतक झळकावलं.
दिल्ली कॅपिट्ल्सचा कॅप्टन ऋषभ पंत याने आयपीएलच्या 17 व्या मोसमातील 16 व्या सामन्यात धमाका केला आहे. पंतने कोलकाता विरुद्धच्या सामन्यात झंझावाती अर्धशतक ठोकलं आहे. पंतचं हे सलग दुसरं अर्धशतक ठरलंय. पंतने दिल्लीच्या डावातील 12 व्या ओव्हरमध्ये वेंकटेश अय्यर याच्या बॉलिंगची पिसं काढली. वेंकटेश अय्यर याच्या ओव्हरमध्ये 2 सिक्स आणि 4 फोर ठोकून एकूण 28 धावा केल्या आणि अर्धशतक पूर्ण केलं. पंतने 221.74 च्या स्ट्राईक रेटने 23 बॉलमध्ये 3 फोर आणि 5 सिक्सच्या मदतीने हे अर्धशतक पूर्ण केलं. पंतच्या आयपीएल कारकीर्दीतील हे 17 वं अर्धशतक ठरलं.
12 वी ओव्हर
वेंकटेश अय्यर कोलकाताकडून दिल्लीच्या डावातील 12 वी ओव्हर टाकायला आला. पंतने डाव साधला आणि टॉप गिअर टाकला. पंतने या ओव्हरमध्ये 4 फोर आणि 2 सिक्स खेचले. पंतने या ओव्हरमध्ये अनुक्रमे 4,6,6,4,4,4 असे फटके मारले. पंतने या एका ओव्हरमधील 28 धावांसह अर्धशतकही पूर्ण केलं. पंतचं हे सलग दुसरं अर्धशतक ठरलं. पंतने याआधी चेन्नई सुपर किंग्स विरुद्ध फिफ्टी ठोकली होती.
पंतची 55 धावांची खेळी
F-iyery & Audacious. Rishabh Pant in a nutshell.#YehHaiNayiDilli #DCvKKR #IPL2024 pic.twitter.com/sNThXwsAOV
— Delhi Capitals (@DelhiCapitals) April 3, 2024
ऋषभ पंत अर्धशतकानंतर फार वेळ मैदानात राहू शकला नाही. पंत अर्धशतकानंतर 5 धावा जोडून आऊट झाला. पंतला कोलकाता नाईट रायडर्सच्या वरुण चक्रवर्थी याने आऊट केलं. वरुणने पंतला कॅप्टन श्रेयस अय्यर याच्या हाती कॅच आऊट केलं. पंतने 25 बॉलमध्ये 220 च्या स्ट्राईक रेटने 5 सिक्स आणि 4 फोरच्या मदतीने 55 धावांची खेळी केली.
दिल्ली कॅपिट्ल्स प्लेईंग ईलेव्हन : ऋषभ पंत (कॅप्टन आणि विकेटकीपर), पृथ्वी शॉ, डेव्हिड वॉर्नर, मिचेल मार्श, ट्रिस्टन स्टब्स, अक्षर पटेल, सुमित कुमार, रसिक दार सलाम, एनरिक नॉर्टजे, इशांत शर्मा आणि खलील अहमद.
कोलकाता नाईट रायडर्स प्लेईंग ईलेव्हन : श्रेयस अय्यर (कर्णधार), फिलिप सॉल्ट (विकेटकीपर), सुनील नरेन, व्यंकटेश अय्यर, रिंकू सिंग, अंगकृष्ण रघुवंशी, आंद्रे रसेल, रमणदीप सिंग, मिचेल स्टार्क, हर्षित राणा आणि वरुण चक्रवर्ती.
