SRH Vs RCB : विराट कोहलीची ऐतिहासिक कामगिरी, IPL मध्ये अशी कामगिरी करणारा पहिलाच फलंदाज
Virat Kohli IPL 2024 : विराट कोहलीने आपल्या नावावर मोठा रेकॉर्ड केला आहे. हैदराबाद विरुद्धच्या सामन्यात विराटने मोठ्या विक्रमाला गवसणी घातली आहे. विराट अशी कामगिरी करणारा पहिलाच फलंदाज ठरला आहे.
रॉयल चॅलेंजर्स बंगळुरुचा अनुभवी आणि विस्फोटक फलंदाज विराट कोहली याने सनरायजर्स हैदराबाद विरुद्ध आयपीएलच्या 17 व्या मोसमातील 41 व्या सामन्यात अर्धशतक ठोकलं. विराटने 14 व्या ओव्हरमध्ये अर्धशतक झळकावलं. विराटने 135.14 च्या स्ट्राईक रेटने 4 चौकार आणि 1 सिक्ससह अर्धशतक पूर्ण केलं. विराटच्या आयपीएल कारकीर्दीतील हे 53 आणि टी 20 क्रिकेटमधील 103 वं अर्धशतक ठरलं. मात्र त्यानंतर विराटच्या या खेळीला पूर्णविराम लागला. विराट 43 बॉलमध्ये 51 धावांवर आऊट झाला. मात्र विराटने या खेळीदरम्यान इतिहास रचला. विराट आयपीएलमध्ये अशी कामगिरी करणारा पहिलाच फलंदाज ठरला.
विराट कोहलीने हैदराबाद विरुद्ध 21 वी धाव पूर्ण करताच त्याच्या आयपीएलच्या 17 व्या मोसमात 400 धावा पूर्ण झाल्या. विराट कोहली यासह आयपीएलच्या 10 वेगवेगळ्या हंगामात 400 धावा करणारा पहिला फलंदाज ठरला. विराट कोहली याच्याआधी ‘मिस्टर आयपीएल’ म्हणून ओळखला जाणारा सुरेश रैना याने सलग 9 हंगामात 400 धावा करण्याचा कारनामा केला होता. इतकंच नाही, तर विराटने आयपीएलमध्ये ओपनर म्हणून 4 हजार धावांचा टप्पाही पूर्ण केला. विराट आयपीएलमध्ये ओपनर म्हणून 4 हजार धावा करणारा एकूण चौथा आणि दुसरा भारतीय ठरला. विराटच्या आधी शिखर धवन, डेव्हिड वॉर्नर आणि ख्रिस गेल या तिघांनी ही कामरगिरी केली होती.
आयपीएलमध्ये ओपनर म्हणून सर्वाधिक धावा (डाव)
केएल राहुल – 3 हजार 965 धावा (93) विराट कोहली – 4 हजार 9 धावा (107*) ख्रिस गेल – 4 हजार 480 धावा (122) डेव्हिड वॉर्नर – 5 हजार 909 धावा (162) शिखर धवन – 6 हजार 362 धावा (202)
विराटचा 10 वेगवेगळ्या हंगामात 400 पार
557 runs in 2011 634 runs in 2013 505 runs in 2015 973 runs in 2016 530 runs in 2018 464 runs in 2019 466 runs in 2020 405 runs in 2021 639 runs in 2023 401* runs in 2024
Virat Kohli becomes the first player to have 400+ runs in 10 different seasons. 🤯 pic.twitter.com/6Kfd1tLnCn
— Johns. (@CricCrazyJohns) April 25, 2024
सनरायझर्स हैदराबाद प्लेइंग ईलेव्हन : पॅट कमिन्स (कर्णधार), अभिषेक शर्मा, एडन मार्कराम, हेनरिक क्लासेन (विकेटकीपर), नितीश रेड्डी, अब्दुल समद, शाहबाज अहमद, भुवनेश्वर कुमार, जयदेव उनाडकट, मयंक मार्कंडे आणि टी नटराजन.
रॉयल चॅलेंजर्स बंगळुरु प्लेइंग ईलेव्हन : फाफ डू प्लेसिस (कर्णधार), विराट कोहली, रजत पाटीदार, कॅमेरॉन ग्रीन, विल जॅक्स, दिनेश कार्तिक (विकेटकीपर), महिपाल लोमरोर, कर्ण शर्मा, लॉकी फर्ग्युसन, मोहम्मद सिराज आणि यश दयाल.
