IPL 2024 Purple Cap : पर्पल कॅपच्या रेसमध्ये हा खेळाडू आघाडीवर, जाणून घ्या कोण कोण आहेत दावेदार

आयपीएल 2024 स्पर्धेतील 16 सामना दिल्ली कॅपिटल्स आणि कोलकाता नाईट रायडर्स यांच्यात पार पडला. या सामन्यात कोलकाता नाईट रायडर्सने दिल्ली कॅपिटल्सवर धावांनी विजय मिळवला. या विजयासह कोलकाता नाईट रायडर्सने गुणतालिकेत अव्वल स्थान गाठलं आहे. कोलकाता नाईट रायडर्सने नाणेफेकीचा कौल जिंकून प्रथम फलंदाजी करण्याचा निर्णय घेतला. फलंदाजांनी हा निर्णय सार्थकी लावत दिल्ली कॅपिटल्सच्या गोलंदाजीची पिसं काढली. 20 षटकात 7 गडी गमवून 272 धावा केल्या आणि विजयासाठी 273 धावांचं आव्हान दिलं. मात्र दिल्ली कॅपिटल्सचा संघ 166 धावा करू शकला. त्यामुळे दिल्ली कॅपिटल्स 106 धावांनी पराभव झाला. त्याचा रनरेटवर जबरदस्त फटका बसला आहे. दुसरीकडे, या सामन्यातही पर्पल कॅपचा मान कोणीही हिरावून घेऊ शकला नाही. चेन्नई सुपर किंग्सकडून खेळणारा बांगलादेशचा मुस्तफिझुर रहमान या यादीत टॉपला आहे. स्पर्धेच्या पहिल्या दिवसापासून पर्पला कॅप मुस्तफिझुर रहमानच्या डोक्यावर आहे. 16 सामन्यानंतरही हा मान कोणी मिळवू शकलेलं नाही.

मुस्तफिझुर रहमानने 3 सामन्यात 12 षटकं टाकत 7 गडी बाद केले आहेत. इकोनॉमी रेट 8.83 इतका आहे. दुसऱ्या क्रमांकावर लखनौ सुपर जायंट्सचा मयंक यादव आहे. त्याने 2 सामन्यात 6 गडी बाद केले असून इकोनॉमी रेट 5.12 इतका आहे. तिसऱ्या स्थानावर युझवेंद्र चहल असून त्यानेही 6 गडी बाद केले आहेत. त्याचा इकोनॉमी रेट 5.50 आहे. चौथ्या स्थानावर गुजरात टायटन्सचा मोहित शर्मा असून त्याने 3 सामन्यात 7.75 इकोनॉमी रेटने 6 गडी बाद केले. पाचव्या स्थानावर दिल्ली कॅपिटल्सचा खलिल अहमद आहेत त्याने 8.18 च्या इकोनॉमी रेटने 6 गडी बाद केले आहेत. वरील आकडेवारी पाहता पुढे पर्पल कॅपची चुरस आणखी रंगतदार होणार आहे.

आयपीएल स्पर्धेत खलिल अहमद हा एकमेक गोलंदाज आहे. त्याने एक षटक निर्धाव टाकलं आहे. तसेच सर्वाधिक 48 चेंडू निर्धाव टाकले आहेत. निर्धाव चेंडू टाकणाऱ्या खेळाडूंच्या यादीत यश दयाल दुसऱ्या स्थानी आहे. त्याने 41 चेंडू निर्धाव चेंडू टाकले. तर मुंबई इंडियन्सचा क्वेना माफाका हा सर्वात महागडा गोलंदाज ठरला आहे. त्याने हैदराबादविरुद्धच्या सामन्यात 66 धावा दिल्या. तर मुंबई इंडियन्सचा आकाश मढवाल हा 6.66 एव्हरेजने गोलंदाज ठरला आहे.