इशान किशनला अखेर त्याच्या तसं वागण्याचं मिळालं फळ, मुंबई इंडियन्सने दिली विचित्र शिक्षा
इशान किशन हे नाव गेल्या काही दिवसांपासून या ना त्या कारणाने चर्चेत आहे. दक्षिण अफ्रिका दौरा मध्यात सोडून आल्यानंतर तो बीसीसीआयच्या रडारवर आला आहे. बीसीसीआयच्या देशांतर्गत क्रिकेट खेळण्याच्या आव्हानालाही त्याने ठेंगा दाखवला होता. आता मुंबई इंडियन्स फ्रेंचायसीने त्याला इंगा दाखवला आहे.
![इशान किशनला अखेर त्याच्या तसं वागण्याचं मिळालं फळ, मुंबई इंडियन्सने दिली विचित्र शिक्षा इशान किशनला अखेर त्याच्या तसं वागण्याचं मिळालं फळ, मुंबई इंडियन्सने दिली विचित्र शिक्षा](https://images.tv9marathi.com/wp-content/uploads/2024/04/Ishan_Kishan_Superhero.jpg?w=1280)
आयपीएल 2024 स्पर्धेत मुंबई इंडियन्सची कामगिरी निराशाजनक राहिली आहे. कर्णधार हार्दिक पांड्याच्या नेतृत्वात मुंबई इंडियन्स संघ सलग सामन्यात पराभूत झाला आहे. त्यामुळे मुंबई इंडियन्सचे चाहते चांगलेच संतापले आहेत. असं असताना मुंबई इंडियन्सचा विकेटकीपर फलंदाज इशान किशन एका भलत्याच अवतारात समोर आला. सुपरमॅनचा ड्रेस घालून इशान किशन का फिरत आहे असा प्रश्न अनेकांना पडला आहे. इशान किशन हाच ड्रेस कोड घालून एअरपोर्टवर गेला आणि त्याचा ड्रेसकोड पाहून फॅन्सही चक्रावून गेले. पण यामागचं कारण ऐकून तु्म्हालाही हसू आवरणार नाही. इशान किशनला असा ड्रेस कोड देण्यामागचं कारण मुंबई इंडियन्स फ्रेंचायसीने अधिकृत सोशल मीडिया अकाउंटवरून दिलं आहे. फ्रेंचायसीच्या मते हा ड्रेस असा तसा नसून एक शिक्षा आहे. मुंबई इंडियन्सने टीम मीटिंगमध्ये उशिराने येणाऱ्यांसाठी ही आयडीया शोधून काढली आहे. याबाबतची माहिती फ्रेंचायसीने ट्विटरवर दिली आहे.
इशान किशनच नाही तर संघातील इतर तीन खेळाडूंनाही शिक्षा मिळाली आहे. फिरकीपटू कुमार कार्तिकेय, शम्स मुलानी आणि श्रीलंकेचा वेगवान गोलंदाज नुवान तुषारा यांनाही फ्रेंचायसीने वठणीवर आणलं आहे. चारही जणं हॉटेलच्या रुममधून सुपरमॅनचा ड्रेस घालून बाहेर पडले. दरम्यान, इशान किशनला मागच्या तीन सामन्यात सूर काही गवसलेला नाही. तीन सामन्यात त्याने फक्त 50 धावा केल्या आहेत. गुजरात टायटन्स विरुद्धच्या सामन्यात तर खातंही खोललं नाही.
𝑷𝒖𝒏𝒊𝒔𝒉𝒎𝒆𝒏𝒕 𝒐𝒖𝒕𝒇𝒊𝒕 𝒊𝒔 𝒃𝒂𝒄𝒌! Find out who arrived late this time 😉➡️ https://t.co/2xqgOxuNDy
Watch the full #MIDaily now on our website & the MI app 🎥#OneFamily #MumbaiIndians pic.twitter.com/72tkNwb0vh
— Mumbai Indians (@mipaltan) April 3, 2024
दुसरीकडे, नेहल वढेराही फलंदाजी मीटिंगमध्ये उशिराने पोहोचलाा. त्यामुळे त्याला एअरपोर्टवर पॅड बांधून चालण्याची शिक्षा मिळाली होती. यावेळी सर्वजण नेहल वढेराकडे टक लावून पाहात होते. “मुंबई इंडियन्सचा युवा खेळाडू नेहल वढेराने मुंबई विमानतळावर त्याच्या ओओटीडीने सर्वांचे लक्ष वेधून घेतले. पारंपारिक जंपसूट ऐवजी पॅडसह दिसला. आमच्या सूत्रांनी दिलेल्या माहितीनुसार, नेहलला फलंदाजांच्या बैठकीला उशीर झाल्याबद्दल खेद वाटतो.”, अशी कॅप्शन लिहिली आहे.
#MumbaiIndians youngster #NehalWadhera turned all heads at Mumbai airport with his punishment #OOTD. He was captured with his pads on instead of traditional jumpsuit. According to our sources, #Nehal regrets being late for batters meeting. pic.twitter.com/vCzenvIWzC
— Mumbai Indians (@mipaltan) May 13, 2023
मुंबई इंडियन्स संघ: रोहित शर्मा, इशान किशन (विकेटकीपर), नमन धीर, तिलक वर्मा, हार्दिक पांड्या (कर्णधार), टिम डेव्हिड, रोमॅरियो शेफर्ड, शम्स मुलानी, जेराल्ड कोएत्झी, पियुष चावला, जसप्रीत बुमराह, क्वेना माफाका, मोहम्मद नबी, सूर्यकुमार यादव, श्रेयस गोपाल, ल्यूक वुड, विष्णू विनोद, अर्जुन तेंडुलकर, नेहल वढेरा, कुमार कार्तिकेय, शिवालिक शर्मा, अंशुल कंबोज, आकाश मधवाल, नुवान तुषारा, देवाल्ड ब्रेविस.