BCCI Central Contract | ईशान किशन-श्रेयस अय्यरची मस्ती जिरवली, बीसीसीआयची मोठी कारवाई

Ishan Kishan And Shreyas Iyer | बीसीसीआयने ईशान किशन आणि श्रेयस अय्यर या दोघांवर कारवाईचा चाबूक चालवला आहे. बीसीसीआयने ईशान आणि श्रेयसला चांगलीच अद्दल घडवली आहे.

BCCI Central Contract | ईशान किशन-श्रेयस अय्यरची मस्ती जिरवली, बीसीसीआयची मोठी कारवाई
Follow us
| Updated on: Feb 28, 2024 | 7:28 PM

मुंबई | बीसीसीआयने आगामी 2023-2024 वर्षासाठी सेंट्रल कॉन्ट्रॅक्ट जाहीर केलं आहे. बीसीसीआयने सोशल मीडियावरुन याबाबती माहिती दिली आहे. बीसीसीआयने या वार्षिक करारातून काही खेळाडूंची मस्ती जिरवली आहे. तर युवा आणि नव्या दमाच्या खेळाडूंचा या वार्षिक करारात समावेश केला आहे. बीसीसीआयने रिंकू सिंह, यशस्वी जयस्वाल, रजत पाटीदार आणि बऱ्याच खेळाडूंना पहिल्यांदाच वार्षिक करारात समावेश केला आहे. तर दोघांना बाहेरचा रस्ता दाखवला आहे.

बीसीसीआयने ईशान किशन आणि श्रेयस अय्यर या दोघांना चांगलीच अद्दल घडवली आहे. बीसीसीआयने ईशान आणि श्रेयस या दोघांना वार्षिक करारातून वगळलं आहे. बीसीसीआयने या दोघांसह इतर सर्व वार्षिक करारप्राप्त खेळाडूंना देशांतर्गत क्रिकेटमध्ये खेळण्याचे आदेश दिले होते. मात्र ईशान आणि श्रेयस या दोघांनी बीसीसीआयच्या या आदेशाला जुमानलं नाही. अनेक दिवस टोलवाटोलवी केल्यानंतर हे दोघे खेळण्यास तयार झाले. मात्र तोवर उशीर झाला. अखेर बीसीसीआयने या दोघांना बाहेरचा रस्ता दाखवला.

हे सुद्धा वाचा

बीसीसीआयचा नवा नियम

बीसीसीआयने या सेंट्रल कॉन्ट्रॅक्टसोबत एक नवीन नियमही केला आहे. बीसीसीआयच्या नियमानुसार, वार्षिक करार पाहिजे असल्यास संबंधित खेळाडूने किमान 3 कसोटी, 8 वनडे किंवा 10 टी 20 या तिघांपैकी कोणत्याही एका अटीची पूर्तता केलेली असायला हवी. ही अट पूर्ण केलेली असल्यास त्या खेळाडूची बीसीसीआयकडून सी ग्रेडमध्ये समावेश केला जाईल. बीसीसीआय खेळाडूंची वार्षिक करारासाठी 4 गटात वर्गवारी करते. त्यानुसार ए प्लस, ए, बी आणि सी अशा श्रेणी आहेत. त्यानुसार खेळाडूंना एका वर्षासाठी अनुक्रमे 7, 5, 3 आणि 1 कोटी रुपये दिले जातात.

बीसीसीआयकडून नवा नियम

रवींद्र जडेजाला पदोन्नती

दरम्यान बीसीसीाआयने टीम इंडियाचा ऑलराउंडर रवींद्र जडेजाचं प्रमोशन केलं आहे. बीसीसीआयने रवींद्र जडेजाचा थेट ए प्लस कॅटेगरीत समावेश केला आहे. त्यामुळे जडेजाला आता आगामी वर्षासाठी 7 कोटी रुपये मिळणार आहेत. जडेजाच्या एन्ट्रीमुळे ए प्लस या कॅटेगरीत एकूण 4 खेळाडू आहेत. यामध्ये आधीपासून कॅप्टन रोहित शर्मा, विराट कोहली आणि जसप्रीत बुमराह यांचा समावेश आहे.

कोणता खेळाडू कोणत्या कॅटेगरीत?

ए प्लस | रोहित शर्मा (कॅप्टन), विराट कोहली, जसप्रीत बुमराह आणि रवींद्र जडेजा.

ए | रवीचंद्रन अश्विन, मोहम्मद शमी, मोहम्मद सिराज, केएल राहुल, शुबमन गिल आणि हार्दिक पंड्या.

बी | सूर्यकुमार यादव, ऋषभ पंत, कुलदीप यादव, अक्षर पटेल आणि यशस्वी जयस्वाल.

सी | रिंकू सिंह, तिलक वर्मा, ऋतुराज गायकवाड, शार्दुल ठाकुर, शिवम दुबे, रवी बिश्नोई, जितेश शर्मा, वॉशिंगटन सुंदर, मुकेश कुमार, संजू सॅमसन, अर्शदीप सिंह, केएस भरत, प्रसिद्ध कृष्णा, आवेश खान आणि रजत पाटीदार.

Non Stop LIVE Update
ठाकरेंना अडीच वर्ष कोंडलं, दिसायला भोळ्या; कुणाची रश्मी ठाकरेंवर टीका
ठाकरेंना अडीच वर्ष कोंडलं, दिसायला भोळ्या; कुणाची रश्मी ठाकरेंवर टीका.
BIG BREAKING : मुंबईच्या भाजप कार्यालयाला भीषण आग; नेमकं काय घडलं?
BIG BREAKING : मुंबईच्या भाजप कार्यालयाला भीषण आग; नेमकं काय घडलं?.
रवी राणांमुळे नवनीत राणा पराभूत होणार, बच्चू कडू यांचा मोठा दावा काय?
रवी राणांमुळे नवनीत राणा पराभूत होणार, बच्चू कडू यांचा मोठा दावा काय?.
राज ठाकरे फुसका... ठाकरे गटातील नेत्यांची जिव्हारी लागणारी टीका
राज ठाकरे फुसका... ठाकरे गटातील नेत्यांची जिव्हारी लागणारी टीका.
निषेध... No वोट, मुंबईच्या 'या' भागातील नागरिकांचा मतदानावरच बहिष्कार
निषेध... No वोट, मुंबईच्या 'या' भागातील नागरिकांचा मतदानावरच बहिष्कार.
महायुतीकडून नार्वेकर लोकसभा लढणार? दक्षिण मुंबईच्या जागेसाठी मोठी खळी?
महायुतीकडून नार्वेकर लोकसभा लढणार? दक्षिण मुंबईच्या जागेसाठी मोठी खळी?.
मिलिंद नार्वेकर हे उद्धव ठाकरेंची साथ सोडणार? महायुतीची मोठी ऑफर काय?
मिलिंद नार्वेकर हे उद्धव ठाकरेंची साथ सोडणार? महायुतीची मोठी ऑफर काय?.
ठाकरे नालायक तर आदित्य ठाकरेंची लायकी काय?, भाजपच्या नेत्याचा हल्लाबोल
ठाकरे नालायक तर आदित्य ठाकरेंची लायकी काय?, भाजपच्या नेत्याचा हल्लाबोल.
धनगर आरक्षणास मोठा झटका, सर्वोच्च न्यायालयाने याचिका फेटाळली अन्...
धनगर आरक्षणास मोठा झटका, सर्वोच्च न्यायालयाने याचिका फेटाळली अन्....
यंदा इतिहास घडणार,18 वर्षानंतर राज ठाकरे 'धनुष्यबाणा'साठी प्रचार करणार
यंदा इतिहास घडणार,18 वर्षानंतर राज ठाकरे 'धनुष्यबाणा'साठी प्रचार करणार.