SRH vs KKR Live Streaming : केकेआरसमोर हैदराबादचं आव्हान, ऑरेंज आर्मीला रोखणार?
Sunrisers Hyderabad vs Kolkata Knight Riders IPL 2026 Live Scorecard : रविवारी सनरायजर्स हैदराबाद विरुद्ध कोलकाता नाईट रायडर्स यांच्यात लढत होणार आहे.
आयपीएल स्पर्धेच्या 19 व्या मोसमात रविवारी 3 मे रोजी डबल हेडरचा थरार रंगणार आहे. या डबल हेडरमधील पहिल्या सामन्यात सनरायजर्स हैदराबाद विरुद्ध कोलकाता नाईट रायडर्स आमनेसामने असणार आहेत. हैदराबादचा हा दहावा सामना असणार आहे. तर केकेआरचा नववा सामना असणार आहे. केकेआरची या मोसमात निराशाजनक कामगिरी राहिली आहे. त्यामुळे आता कोलकाता हैदराबादला पराभूत करुन एकूण सातव्या विजयापासून रोखणार का? हे पाहणं महत्त्वाचं ठरणार आहे. अजिंक्य रहाणे याच्याकडे केकेआरच्या कर्णधारपदाची जबाबदारी आहे. तर पॅट कमिन्स हैदराबादचं नेतृत्व करणार आहे. या सामन्याबाबत महत्त्वाची माहिती जाणून घेऊयात.
सनरायजर्स हैदराबाद विरुद्ध कोलकाता नाईट रायडर्स सामना कधी?
सनरायजर्स हैदराबाद विरुद्ध कोलकाता नाईट रायडर्स यांच्यातील सामना रविवारी 3 मे रोजी होणार आहे.
सनरायजर्स हैदराबाद विरुद्ध कोलकाता नाईट रायडर्स सामना कुठे?
सनरायजर्स हैदराबाद विरुद्ध कोलकाता नाईट रायडर्स सामना राजीव गांधी स्टेडियम, हैदराबादमध्ये होणार आहे.
सनरायजर्स हैदराबाद विरुद्ध कोलकाता नाईट रायडर्स सामन्याला किती वाजता सुरुवात होणार?
सनरायजर्स हैदराबाद विरुद्ध कोलकाता नाईट रायडर्स सामन्याला दुपारी 3 वाजून 30 मिनिटांनी सुरुवात होणार आहे. तर 3 वाजता टॉस होणार आहे.
सनरायजर्स हैदराबाद विरुद्ध कोलकाता नाईट रायडर्स सामना टीव्हीवर कुठे पाहायला मिळेल?
सनरायजर्स हैदराबाद विरुद्ध कोलकाता नाईट रायडर्स सामना टीव्हीवर स्टार स्पोर्ट्स नेटवर्कवरील चॅनेल्सवर लाईव्ह पाहायला मिळेल.
सनरायजर्स हैदराबाद विरुद्ध कोलकाता नाईट रायडर्स सामना मोबाईलवर कुठे पाहता येईल?
सनरायजर्स हैदराबाद विरुद्ध कोलकाता नाईट रायडर्स सामना मोबाईलवर जिओहॉटस्टार एपद्वारे लाईव्ह पाहायला मिळेल.
केकेआर पलटवार करणार?
कोलकाता आणि हैदराबाद यांच्यातील हा 19 व्या मोसमातील दुसरा सामना असणार आहे. याआधी दोन्ही संघ 2 एप्रिलला भिडले होते. तेव्हा हैदराबादने कोलकाताचा 65 धावांनी धुव्वा उडवला होता. त्यामुळे आता कोलकाता त्या पराभवाची परतफेड करत या हंगामातील तिसरा विजय साकारणार का? हे पाहणं महत्त्वाचं ठरणार आहे.
दोघांपैकी वरचढ कोण?
हैदराबाद विरुद्ध कोलकाता यांच्यात आतापर्यंत एकूण 31 सामने खेळवण्यात आले आहेत. या 31 पैकी 20 सामन्यांत केकेआरने मैदान मारलं आहे. तर हैदराबादने 11 सामने जिंकले आहेत.
दरम्यान ताज्या आकडेवारीनुसार,सनरायजर्स हैदराबाद पॉइंट्स टेबलमध्ये तिसऱ्या स्थानी आहे. हैदराबादने 9 पैकी 6 सामने जिंकले आहेत. त्यामुळे हैदराबादचा आणखी 2 गुण मिळवून प्लेऑफच्या दिशेने वाटचाल कायम ठेवण्याचा प्रयत्न असणार आहे. तर कोलकाता आठव्या स्थानी आहे. केकेआरला 8 पैकी 5 सामन्यांत पराभूत व्हावं लागलंय. केकेआरने 2 सामने जिंकलेत. तर केकेआरचा पंजाब विरुद्धचा सामना पावसाने वाया घालवला. आता केकेआर आपल्या मोहिमेतील तिसऱ्यांदा विजयी होते की नाही? याकडेही चाहत्यांचं लक्ष असणार आहे.
