दिसेल तिथे चप्पलने मारा… स्मृती मानधना हिने लग्न मोडल्याचे जाहीर करताच पलाश मुच्छल प्रचंड अडचणीत, थेट…
Smriti Mandhana and Palash Muchhal's wedding cancelled : क्रिकेटपटू स्मृती मानधना हिच्या लग्नाकडे संपूर्ण जगाच्या नजरा होत्या. मात्र, अचानक तिच्या आयुष्यात मोठे वादळ आल्याचे बघायला मिळाले. पलाश मुच्छलसोबत लग्नाला काही तास शिल्लक असताना लग्न पुढे ढकलण्यात आले.
भारतीय क्रिकेटपटू स्मृती मानधना हिचे लग्न संगीतकार पलाश मुच्छल याच्यासोबत 23 नोव्हेंबर 2025 रोजी सांगलीत होणार होते. मात्र, लग्नाला काही तास शिल्लक असताना स्मृती मानधना हिच्या वडिलांची तब्येत खराब झाली आणि एकच खळबळ उडाली. वडिलांची तब्येत खराब झाल्याने लग्न पुढे ढकलण्याचा निर्णय घेण्यात आला. त्यापाठोपाठ पलाश मुच्छल यालाही रूग्णालयात दाखल करण्यात आले. पलाशला रूग्णालयात दाखल करताच विविध चर्चांना उधाण आले. सांगलीनंतर पलाशवर मुंबईत उपचार झाले. यादरम्यानच पलाशचे काही स्क्रीनशॉर्ट व्हायरल झाली आणि एकच खळबळ उडाली. पलाश स्मृती मानधनाला धोका देत असल्याचा दावा करण्यात आला. मात्र, यादरम्यान स्मृती मानधना हिने पलाशच्या समर्थनार्थ एकही पोस्ट सोशल मीडियावर शेअर केली नाही.
उलट स्मृती मानधना हिने लग्न समारंभातील फोटो आणि व्हिडीओ सोशल मीडियावरून डिलीट केली. मात्र, पलाश मुच्छल शेवटपर्यंत व्हिडीओ तशीच ठेवली. 7 डिसेंबर 2025 रोजी स्मृती मानधना हिने लग्न मोडल्याचे जाहीर केले. यासोबतच हा विषय माझ्यासाठी इथेच संपल्याचेही तिने म्हटले. मात्र, यादरम्यान तिने लग्न मोडण्याचे कोणतेही कारण सांगितले नाही. स्मृती मानधना पाठोपाठ पलाश यानेही एक पोस्ट शेअर केली.
पलाश आपल्या पोस्टमध्ये मुव्ह ऑनबद्दल बोलताना दिसला. दोघांनीही एकमेकांना सोशल मीडियावर अनफॉलो केले. पलाशसोबत लग्न मोडल्याचे जाहीर केल्यानंतर स्मृती मानधना हिने एक व्हिडीओ सोशल मीडियावर शेअर केला. या व्हिडीओवर कमेंट करत लोक स्मृती मानधना हिला प्रोत्साहित करत आहेत. आयुष्यात इतके मोठे वादळ आल्यानंतरही ती खंबीरपणे उभी राहिली आणि आता पुढे जात असल्याने लोक तिचे काैतुक करत आहेत.
View this post on Instagram
स्मृती मानधना हिच्यासोबत लग्न मोडल्याने पलाश मुच्छल याला मात्र जोरदार फटका बसल्याचे दिसत आहे. पलाश मुच्छल याच्या जुन्या पोस्टवर लोक कमेंट करत त्याला खडेबोल सुनावताना दिसत आहेत. हेच नाही तर जिथे दिसेल तिथे याला चप्पलने मारा अशाही कमेंट त्याच्या सोशल मीडियावर केल्या जात आहेत. पलाश मुच्छल याच्याबद्दल लोकांच्या मनात मोठा संताप दिसत आहे.
