120 हर्ट्ज डिस्प्ले, 50MP कॅमेरा, OnePlus 9RT चे स्पेसिफिकेशन्स लीक, जाणून घ्या कसा असेल नवा फोन

वनप्लस 9 आरटी (OnePlus 9RT) बद्दल अफवा पसरत आहेत, हा फोन भारतासह काही निवडक देशांमध्ये या महिन्याच्या अखेरीस लाँच होण्याची शक्यता आहे.

120 हर्ट्ज डिस्प्ले, 50MP कॅमेरा, OnePlus 9RT चे स्पेसिफिकेशन्स लीक, जाणून घ्या कसा असेल नवा फोन
OnePlus 9RT

मुंबई : वनप्लस 9 आरटी बद्दल अफवा पसरत आहेत, हा फोन भारतासह काही निवडक देशांमध्ये या महिन्याच्या अखेरीस लाँच होण्याची शक्यता आहे. या अफवांमुळे स्मार्टफोनकडून काय अपेक्षा करावी याचे संकेत मिळत असले, तरी यापैकी काही गोष्टींची पुष्टी होणे बाकी आहे. दरम्यान, अशी माहिती मिळाली आहे की, वनप्लस 9 आरटी चीनच्या सीसीसी किंवा 3 सी सर्टिफिकेशन वेबसाइटवर स्पॉट झाला आहे. (120Hz display, 50MP camera, OnePlus 9RT specifications leaked, check everything)

OnePlus 9RT च्या लीक फीचर्सबद्दल बोलायचे झाल्यास, हा स्मार्टफोन मागील वर्षी लॉन्च केलेल्या OnePlus 9R सारखाच असेल. नवीन लीक्समध्ये, टिपस्टर मुकुल शर्मा यांनी Weibo चा स्क्रीनशॉट शेअर केला आहे, ज्यात OnePlus 9RT चे फीचर्स उघड केले आहेत. OnePlus 9RT ची किंमत 34,000 रुपये असू शकते. यामध्ये तुम्हाला 8 जीबी रॅम आणि 128 जीबी स्टोरेज मिळेल. त्याचबरोबर 8 जीबी रॅम आणि 256 जीबी स्टोरेज असलेल्या व्हेरिएंटची किंमत 41,000 रुपये इतकी असेल. याशिवाय जर तुम्ही 12 जीबी रॅम आणि 256 जीबी व्हेरिएंट घेत असाल तर तुम्हाला 44,000 रुपये मोजावे लागू शकतात.

वनप्लस 9 आरटी केवळ लिमिटेड मार्केटसाठी असेल ज्यात भारत आणि चीनचा समावेश आहे. वनप्लस 9 आरच्या तुलनेत ज्याची सुरुवातीची किंमत 39,999 रुपये आहे, ज्यामध्ये आपल्याला 8 जीबी रॅम आणि 128 जीबी स्टोरेज मिळते. त्याचबरोबर 256 जीबी स्टोरेज स्पेस असलेल्या मॉडेलची किंमत 43,999 रुपये आहे.

या स्मार्टफोनबाबतच्या अहवालात असा दावा केला जात आहे की, या वर्षी वनप्लस 9 टी लाँच होणार नाही. वनप्लस ‘टी’ मालिका कंपनीच्या फ्लॅगशिप मालिकेची एक ट्वीक्ड आवृत्ती असेल. आता अँड्रॉइड सेंट्रलच्या एका अहवालात, इनसाइडर सोर्सचा हवाला देत, असे म्हटले गेले आहे की, टी सीरीजचा पुढील फोन या वर्षी लाँच केला जाईल, जो वनप्लस 9 आरटी (OnePlus 9RT) आहे, जो भारतीय आणि चीनी बाजारात लॉन्च केला जाईल.

फीचर्स

या फोनच्या नावानुसार, ही वनप्लस 9 आर ची एक ट्वीक्ड आवृत्ती असेल जी वनप्लस 9 सीरिजमधील सर्वात स्वस्त स्मार्टफोन असेल. स्पेसिफिकेशन बद्दल बोलायचे झाले तर OnePlus 9RT ला OnePlus 9R सारखे 120Hz AMOLED पॅनल मिळेल. यात 65W फास्ट चार्जिंग सपोर्ट मिळेल आणि यासोबत 4500mAh ची बॅटरी मिळेल. या व्यतिरिक्त, त्याला स्नॅपड्रॅगन 870 ची हायर-बिन्ड आवृत्ती मिळेल. दुसरीकडे, जर आपण कॅमेराबद्दल बोललो तर या फोनला वनप्लस नॉर्ड 2 प्रमाणे 50 मेगापिक्सलचा सोनी IMX766 सेन्सर मिळेल.

सॉफ्टवेअरबद्दल बोलायचे झाल्यास, हा पहिला वनप्लस फोन असेल जो Android 12 ऑउट ऑफ द बॉक्स वर बेस्ड OxygenOS 12 वर चालेल. हे ColorOS अनेक आश्चर्यकारक वैशिष्ट्ये आणेल. OxygenOS 12 मध्ये गुगलचा नवीन मटेरियल यू एस्थेटिंक मिळेल. यासह, अहवालात असेही म्हटले गेले आहे की, कंपनी ऑक्सिजन ओएस 12 ची बीटा आवृत्ती लॉन्च करण्याची योजना आखत होती, परंतु अनेक बग्समुळे त्याचे लाँचिंग थांबवण्यात आले. कंपनीची सॉफ्टवेअर टीम या बगचे निराकरण करण्याचे काम करत आहे. तथापि, वनप्लस 9 आरटी किंवा ऑक्सिजन ओएस 12 च्या क्लोज्ड बीटा वर्जनबाबत कंपनीकडून अद्याप कोणतीही माहिती शेअर करण्यात आलेली नाही.

इतर बातम्या

6GB/256GB, 50 MP कॅमेरासह ओप्पोचा किफायतशीर स्मार्टफोन लाँच, अमेझॉनवर डिस्काऊंट

8-inch HD डिस्प्ले, दमदार प्रोसेसरसह Moto Tab G20 भारतात लाँच, जाणून घ्या किंमत आणि फीचर्स

Flipkart Big Billion Days 2021 : Flipkart बिग बिलियन डेज 2021 मध्ये उपलब्ध असलेले टॉप स्मार्टफोन्स

(120Hz display, 50MP camera, OnePlus 9RT specifications leaked, check everything)

Read Full Article

Click on your DTH Provider to Add TV9 MARATHI