Video : …जेव्हा दोन क्रूर शिकारी एकमेकांसमोर येतात; बिबट्याला टक्कर देण्यासाठी Black panther झाडावर!

Wild animals video : जंगलाच्या दुनियेत एक वेगळाच कायदा असतो. जंगलाचा कायदा मारा किंवा मरा यावरच चालतो. कधी-कधी भक्षक प्राण्यांचे असे काही व्हिडिओ सोशल मीडियावर (Social media) समोर येतात, जे पाहून सोशल मीडिया यूझर्स आश्चर्यचकित होतात. अलीकडे असाच एक व्हिडिओ लोकांमध्ये चर्चेचा विषय आहे. ज्यामध्ये बिबट्या (Leopard) आणि ब्लॅक पँथर (Black panther) एकत्र लढताना दिसत आहेत. खरेतर, हे दोन्ही शिकारी जंगलातील सर्वात क्रूर शिकारींमध्ये गणले जातात, जे त्यांच्या शिकारीला पळून जाण्याची संधीदेखील देत नाहीत. अशा परिस्थितीत जेव्हा ते एकमेकांशी भिडतात तेव्हा काय होत असेल? असाच काहीसा प्रकार सध्या समोर आला आहे. व्हायरल होत असलेल्या व्हिडिओमध्ये ब्लॅक पँथर अतिशय वेगाने झाडावर चढत असताना एक बिबट्या त्याची वाट पाहत असल्याचे पाहायला मिळत आहे.

एकमेकांकडे टक लावून पाहतात

झाडावर चढल्यानंतर हे शिकारी एकमेकांकडे टक लावून पाहतात, असे की जणू ते एकमेकांना खातील. पण यादरम्यान त्यांच्यात कसलीही बाचाबाची होत नाही आणि काही वेळाने ब्लॅक पँथर झाडावरून खाली येतो. हा एक मिनिटाचा व्हिडिओ जंगल सफारीदरम्यान शूट करण्यात आला आहे. जो सौरभ गुप्ता नावाच्या यूझरने शेअर केला आहे. त्याला 18 हजारांहून अधिक व्ह्यूज आणि 1100हून अधिक लाइक्स मिळाले आहेत. यासोबतच लोक ते पाहून आपल्या प्रतिक्रिया देत आहेत.

#DYK It seems a fight for territory between two matured male leopards, black panther although a great hero in Movies seemed to be losing to another alpha male.#wildlifephotography #wildlife@rameshpandeyifs @ParveenKaswan @Saket_Badola @surenmehra @trikansh_sharma pic.twitter.com/YGSQiyckRI

— Saurabh Gupta (@GuptaIfs) March 23, 2022

‘पहिल्यांदा पाहिलं एकत्र’

सोशल मीडियावरचा हा व्हिडिओ लोकांना आश्चर्याचा धक्का देत आहे. एका यूझरने सांगितले, की मी Wowww Black Panther आणि Leopard या दोघांना पहिल्यांदा एकत्र पाहिले. त्याचवेळी दुसऱ्या यूझरने लिहिले, की ब्लॅक पँथर जरा लाजाळू आहे पण बिबट्याचे असे वागणे पाहून मला आश्चर्य वाटत आहे. याशिवाय इतर अनेक यूझर्सनी या व्हिडिओवर वेगवेगळ्या पद्धतीने आपल्या प्रतिक्रिया दिल्या आहेत.

आणखी वाचा :

‘या’ देशी स्पायडरमॅनला पाहिलं का? चिखल आणि पाणीही याचा रस्ता रोखू शकलं नाही, Jugaad video viral

बाजूला चित्ता असूनही घाबरत नाही हरीण, काय कारण? पूर्ण पाहा ‘हा’ Viral video

म्हशीशी सामना करणं सिंहाला पडलं भारी! जीव मुठीत घेऊन पळावं लागलं, Video viral