काळ आला होता पण…जीवावरचं संकट ‘बाईक’वर बेतलं, असा वाचवला स्वतःचा जीव

नवी दिल्ली : नोकरी किंवा व्यावसायाच्या ठिकाणी उशीर (Late) झालाय आणि तुम्ही जर वेळेत पोहोचण्यासाठी रेल्वे रूळ ओलांडण्याचा शॉर्टकट घेत असाल तर थांबा. काळ कुणाला सांगून येत नसतो. तो कधीही आपल्या वाटेत येऊन आपला जीव घेऊ शकतो आणि आपल्यावर हे सुंदर जीवन जगण्याचा आनंद गमवावा लागू शकतो. अनेक ठिकाणी आपल्या सुरक्षेसाठी विविध फलक लिहिले असतात. पण दिवसभराच्या घाईत कुणाला ते फलक वाचण्याची इच्छा होत नसते. नेमकी हीच चूक आपल्याला मृत्यू (Death)च्या जबड्यात कशी लोटू शकते, याची प्रचिती सोशल मीडियात व्हायरल (Viral) झालेल्या एका व्हिडिओमधून आली आहे.

एक नव्हे, दोन नव्हे, तर दहा ते बारा जणांचा ग्रुप रेल्वे रुळावर फाटक ओलांडण्यासाठी चालत चालला होता. एक ट्रेन रुळावर निघून चाललेय आणि हा ग्रुप दुसऱ्या रुळावरून त्या रेल्वेकडे पाहत रूळ ओलांडण्याचा प्रयत्न करतोय. तितक्यातच विरुद्ध दिशेने भरधाव एक्स्प्रेस येते आणि पुढे जो प्रकार घडला, तो पाहून सर्वांच्याच काळजाचा ठोका चुकला. यावेळी एका व्यक्तीच्या जिवावरचे संकट त्याच्या ‘बाईक’वर बेतले.

अनेकांना कामावर पोहोचण्याची इतकी घाई असते की, ते स्वतःचा जीव धोक्यात घालतात. अशाच घाईमुळे घडणाऱ्या कार, ट्रेन आणि बस अपघाताचे व्हिडिओ सोशल मीडियावर व्हायरल होत असतात. असाच एक नवीन व्हिडिओ सोशल मीडियावर व्हायरल होत आहे.

व्हिडिओ पाहून तुम्हालाही धक्का बसेल

रेल्वे रुळावर एका माणसाने कशा प्रकारे स्वतःचा जीव वाचवला. जर त्या व्यक्तीने क्षणभराचाही उशीर केला असता तर त्या व्यक्तीचे वेगात येणाऱ्या ट्रेनपुढे तुकडे तुकडे झाले असते. सोशल मीडियावर व्हायरल होत असलेला हा व्हिडिओ पाहिल्यानंतर तुम्हालाही काही सेकंदांसाठी धक्का बसला असेल.

घटना सीसीटीव्हीत कैद

हा व्हिडीओ सोशल मीडियावर चांगलाच व्हायरल झाला आहे. आतापर्यंत 4 लाखांहून अधिक लोकांनी पाहिला आहे. तसेच 2 हजारांहून अधिक लोकांनी व्हिडिओ रिट्विटही केला आहे. ही घटना सीसीटीव्ही फुटेजमध्ये कैद झाली आहे. त्याच्यासोबत काही दुचाकीस्वार आणि प्रवासी रुळ ओलांडण्याचा प्रयत्न करत असल्याचेही व्हिडिओमध्ये दिसत आहे.

प्रत्येकाला दोन ते तीन रेल्वे रुळ ओलांडायचे असतात, तेव्हा सर्वांनाच घाई असते. अशा प्रयत्नदरम्यानच वाऱ्याच्या वेगाने एक हायस्पीड ट्रेन सर्वांसमोर येते आणि पुढे जे घडते, ते सर्वांनाच परमेश्वर आठवायला लावणारे होते.

व्यक्तीची बाईक ट्रॅकवर अडकली आणि…

रेल्वेच्या वेगाचा अंदाज कोणी लावू शकत नाही, पण दुरून रेल्वेचा हॉर्न ऐकून लोक मागे हटू लागतात. यादरम्यान दुचाकीस्वार आपली दुचाकी मागे घेण्याच्या प्रयत्नात रुळावर अडकतो. सर्वजण मागे सरकतात, पण दुचाकीस्वार दुचाकीवरून उतरतो आणि दुचाकी मागे घेण्याचा प्रयत्न करू लागतो. त्याला क्षणार्धात समजले की दुचाकी तिथेच सोडणे शहाणपणाचे आहे. पुढे काही सेकंदांनंतर रेल्वेने वाऱ्याच्या वेगाने दुचाकी उडवली आणि रेल्वेची धडक बसण्यापासून तो व्यक्ती बचावला. (Person rescued while trying to cross railway tracks, video goes viral on social media)