खनिज तेल, इंधनाच्या गॅसची आयात घटवण्याचे सरकारचे लक्ष्य, खाद्यतेलाचे दर कमी करण्यासाठी गडकरींची खास योजना

नवी दिल्ली: कच्चे तेल आणि इंधन वायूंच्या आयातीवरील अवलंबित्व कमी करण्यासाठी देशातील जैव इंधनांच्या उत्पादनाला गती देणार असल्याचे केंद्रीय रस्ते वाहतूक आणि महामार्ग मंत्री नितीन गडकरी यांनी सांगितले. याचाच एक भाग म्हणून गडकरी यांनी स्वतःच्या डिझेल ट्रॅक्टरचे सीएनजी वाहनात रूपांतर करण्यासाठी पुढाकार घेतला आहे. सोनियाबीन प्रोसेसर्स असोसिएशन ऑफ इंडिया (SOPA) तर्फे इंदूर येथे आयोजित आंतरराष्ट्रीय सोयाबीन परिषदेला गडकरी व्हिडिओ कॉन्फरन्सिंगद्वारे संबोधित करत होते.

यावेळी गडकरी यांनी म्हटले की, मी स्वतः माझ्या (डिझेलवर चालणाऱ्या) ट्रॅक्टरचे सीएनजीवर चालणाऱ्या वाहनात रूपांतर केले आहे. कच्चे तेल आणि इंधन वायूंच्या आयातीवरील आपले अवलंबित्व कमी करण्यासाठी, आपण सोयाबीन, गहू, धान, कापूस इत्यादी पिकांच्या शेतातील कचरा (पीक कचरा) पासून बायो-सीएनजी आणि बायो-एलएनजी सारख्या जैव इंधनांच्या उत्पादनास प्रोत्साहन दिले पाहिजे. यामुळे शेतकर्‍यांना शेतीतून अतिरिक्त उत्पन्नही मिळेल. सध्या कच्च्या तेलाच्या किंमती आंतरराष्ट्रीय पातळीवर वाढल्याने देशातील पेट्रोलियम इंधनांच्या किमती विक्रमी पातळीवर पोहोचल्या आहेत. सामान्य माणसाला याची मोठी झळ बसत आहे.

65 टक्के खाद्यतेलाची आयात

सध्या भारत आपल्या खाद्यतेलाच्या गरजेच्या 65 टक्के आयात करत आहे. या आयातीवर देशाला दरवर्षी एक लाख 40 हजार कोटी रुपये खर्च करावे लागतात. एकीकडे देशाच्या ग्राहक बाजारात खाद्यतेलांचे भाव जास्त आहेत, तर दुसरीकडे तेलबिया पिकणाऱ्या घरगुती शेतकऱ्यांना त्यांच्या उत्पादनाला चांगला भाव मिळत नाही, असे गडकरी यांनी सांगितले.

खाद्यतेल उत्पादनात भारताचे आत्मनिर्भरतेचे ध्येय साध्य करण्यासाठी, देशाने सोयाबीन बियाणे मोस्टर जीन वर्धित (जीएम) बियाण्यांच्या धर्तीवर विकासाच्या दिशेने वाटचाल केली पाहिजे. मी पंतप्रधानांशी (सोयाबीनच्या जीएम बियाण्यांबाबत) चर्चा केली आहे आणि मला माहित आहे की देशातील अनेक लोक अन्न पिकांच्या जीएम बियाण्यांना विरोध करतात. परंतु जीएम सोयाबीनमधून काढलेल्या इतर देशांमधून सोयाबीन तेलाची आयात आम्ही थांबवू शकत नाही, याकडे गडकरी यांनी लक्ष वेधण्याचा प्रयत्न केला.

संबंधित बातम्या:

Indian Railways: आता ट्रेन्स डिझेल नव्हे तर ‘या’ नव्या इंधनावर धावणार, वर्षाला 2.3 कोटींची बचत

रेल्वे 500 पेक्षा अधिक गाड्या बंद करणार? प्रवासी संख्येतील घट आणि तोट्यामुळे मोठा निर्णय!

भारतीय रेल्वेसोबत करा ‘हा’ व्यवसाय, कमी भांडवल गुंतवूनही व्हाल मालामाल