एसबीआय अलर्ट! आता एटीएममधून फाटकी किंवा खराब नोट निघाल्यास लगेच करा हे काम

नवी दिल्ली : कोरोनाच्या या काळात महागाईने सामान्य माणसाचे कंबरडे मोडले आहे. यामुळे समस्या अधिक तीव्र होत आहेत. असेच एक प्रकरण समोर आले आहे. देशातील सर्वात मोठी सरकारी बँक स्टेट बँक ऑफ इंडिया(SBI)च्या ट्विटर हँडलवर, ग्राहकाने खराब-फाटक्या नोटांबद्दल तक्रार केली आहे. ग्राहकाच्या तक्रारीबाबत एसबीआयने आपले उत्तर दिले आहे. खराब किंवा फाटक्या नोटा एटीएममधून आल्याची घटना घडल्यास काय करावे याबाबत सांगण्यात आले आहे. (Now do this immediately if a torn or bad note comes out of the sbi ATM)

ग्राहकांनी काय करावे?

– अनेक वेळा लक्ष न दिल्यामुळे अशा काही चलनी नोटा आपल्या खिशात येतात, ज्या कुठेही वापरता येत नाहीत. या नोटा अशा स्थितीत असतात की कोणीही त्या स्वीकारु शकत नाही. – यासंदर्भातील परिपत्रके आरबीआयकडून वेळोवेळी जारी केली जातात. अशा नोटा तुम्ही कोणत्याही बँक शाखेत किंवा RBI कार्यालयात सहज बदलू शकता. – आरबीआयने यासाठी नियमही तयार केले आहेत. एखादी व्यक्ती एका वेळी जास्तीत जास्त 20 नोटा बदलू शकते. – परंतु या नोटांचे एकूण कमाल मूल्य 5,000 रुपयांपेक्षा जास्त नसावे. आरबीआयने ठरवलेल्या ठिकाणी या नोटा बदलून घेण्यासाठी तुम्हाला कोणतेही शुल्क भरावे लागणार नाही. – 20 पेक्षा जास्त नोटा बँकेत पावतीच्या बदल्यात स्वीकारल्या जाऊ शकतात. याचे देय नंतर दिले जाते. यासाठी बँक तुमच्याकडून आरबीआयने ठरवलेले शुल्क आकारू शकते.

नोटांची देवाणघेवाण कशी करावी?

– फाटक्या किंवा गलिच्छ नोटा स्वीकारल्या जातात. हे लक्षात घ्यावे लागेल की नोटांच्या तुकड्यांमध्ये सर्व आवश्यक वैशिष्ट्ये असावीत. – आरबीआयच्या नियमांनुसार, जर एखादी नोट जळली गेली असेल किंवा ती पूर्णपणे निरुपयोगी झाली असेल तर ती बदलली जाऊ शकत नाही. – अशा नोटांबाबत, सल्ला दिला जातो की ती फक्त आरबीआयच्या इश्यू ऑफिसमध्ये जमा करावी. इथे ती बदलण्याची वेगळी प्रक्रिया आहे. – नोटा बदलण्याचा निर्णय बँकेकडे आहे. कोणताही ग्राहक अशा वाईट नोटा बदलण्यासाठी बँकेला सक्ती करू शकत नाही. नोट एक्सचेंज करताना हे तपासले जाते की ते जाणूनबुजून फाटलेली नाही.

पूर्ण पैसे परत मिळतील का?

या फाटक्या किंवा खराब झालेल्या नोटा सामान्य वापरासाठी बदलण्याचे मूल्य त्याच्या स्थितीवर अवलंबून असते. ती नोट कशी कापली किंवा फाटली यावर अवलंबून आहे. जर 50 रुपयांपेक्षा कमी मूल्याच्या नोटेचा सर्वात मोठा तुकडा सामान्य नोटच्या 50 टक्क्यांपेक्षा जास्त असेल तर या नोटच्या बदल्यात त्याचे पूर्ण मूल्य मिळेल.

जर 50 रुपयांपेक्षा जास्त मूल्याच्या नोटचा सर्वात मोठा तुकडा सामान्य नोटपेक्षा 80 टक्के किंवा जास्त असेल तर या नोटच्या बदल्यात तुम्हाला संपूर्ण मूल्य मिळेल. जर 50 रुपयांपेक्षा जास्त मूल्याच्या नोटचा सर्वात मोठा तुकडा सामान्य नोटच्या 40 ते 80 टक्के दरम्यान असेल, तर तुम्हाला त्या नोटचे अर्धे मूल्य मिळेल.

जर 50 रुपयांपेक्षा जास्त मूल्याच्या एकाच नोटचे दोन तुकडे असतील आणि हे दोन तुकडे सामान्य नोटच्या 40 टक्क्यांपर्यंत असतील तर तुम्हाला नोटच्या पूर्ण मूल्याच्या बरोबरीचे मूल्य मिळेल. 1, 2, 5, 10, 10 आणि 20 रुपयांच्या नोटांच्या बदल्यात अर्धी किंमत उपलब्ध नाही.

जर 50 रुपयांपेक्षा कमी मूल्याच्या नोटाचा सर्वात मोठा तुकडा सामान्य नोटच्या 50 टक्क्यांपेक्षा कमी असेल तर या नोटच्या एक्सचेंजवर कोणतेही मूल्य उपलब्ध होणार नाही.

जर 50 रुपयांपेक्षा जास्त मूल्याच्या नोटचा सर्वात मोठा तुकडा सामान्य नोटच्या 40 टक्क्यांपेक्षा कमी असेल तर या नोटा बदलल्यानंतरही कोणतेही मूल्य उपलब्ध होणार नाही. (Now do this immediately if a torn or bad note comes out of the sbi ATM)

VIDEO : नाशिकमध्ये मध्यरात्री रस्त्यावर हत्येचा थरार, सीसीटीव्हीत घटना कैद #Crime #Nashik #NashikCrime #CCTV pic.twitter.com/8YALtF8Zn5

— TV9 Marathi (@TV9Marathi) September 9, 2021

इतर बातम्या

Yusuf Lakdawala : डी गँगचा फायनान्सर युसूफ लकडावालाचा आर्थर रोड जेलमध्ये मृत्यू

आगे आगे देखो होता है, छगन भुजबळांच्या दोषमुक्तीवर किरीट सोमय्यांचाही शायराना अंदाजात इशारा