tv9 Marathi Special Report | Sunetra Pawar | सुनेत्रा पवार लढवणार बारामतीची पोटनिवडणूक, बिनविरोधसाठी राष्ट्रवादीचा पुढाकार

बारामती विधानसभा मतदारसंघातील पोटनिवडणुकीबाबत मोठी राजकीय घडामोड समोर आली आहे. उपमुख्यमंत्री सुनेत्रा पवार या बारामतीची पोटनिवडणूक लढवणार असल्याचे जवळपास निश्चित झाले आहे. तसेच ही निवडणूक बिनविरोध करण्यासाठी शरद पवार यांच्या राष्ट्रवादी काँग्रेसकडून पुढाकार घेण्यात आल्याची माहिती समोर येत आहे. उपमुख्यमंत्री पदाची शपथ घेतल्यानंतर सुनेत्रा पवार यांना सहा महिन्यांच्या आत आमदार होणे आवश्यक आहे. अजित पवार यांच्या निधनानंतर बारामती मतदारसंघ रिक्त झाला असून, या पार्श्वभूमीवर होणारी पोटनिवडणूक सुनेत्रा पवार लढवतील, असा निर्णय राष्ट्रवादीच्या कोअर कमिटीच्या बैठकीत घेण्यात आल्याचे सांगितले जात आहे. त्यांच्या नावावर शिक्कामोर्तब झाल्याचीही चर्चा राजकीय वर्तुळात सुरू आहे. दरम्यान, ही निवडणूक बिनविरोध व्हावी यासाठी प्रयत्न सुरू असून इतर कोणताही उमेदवार अर्ज दाखल करणार नाही, अशी दाट शक्यता व्यक्त केली जात आहे. याबाबत सुप्रिया सुळे यांनीही स्पष्ट संकेत दिल्याचे समजते.