Phaltan Doctor Death : तिच्यावर कोणाकडून, कितीवेळा बलात्कार; थेट सांगितल्या तारखा अन्… काँग्रेस खासदारानं टाकला मोठा बॉम्ब

डॉ. संपदा मुंडे यांच्या प्रकरणात वरिष्ठ अधिकाऱ्यांनी त्यांच्या तक्रारींकडे दुर्लक्ष केल्याचा गंभीर आरोप वर्षा गायकवाड यांनी केला आहे. मुंडे यांना बनावट वैद्यकीय प्रमाणपत्र देण्यासाठी राजकीय दबाव आणि ब्लॅकमेलिंगचा सामना करावा लागला होता. त्यांनी वारंवार वरिष्ठ अधिकाऱ्यांना पत्रे लिहून न्यायाची मागणी केली, परंतु त्यांच्या पत्रांकडे दुर्लक्ष करण्यात आले.

वर्षा गायकवाड यांनी सांगितले की, मुंडे यांच्यावर पोलीस उपनिरीक्षक (PSI) गोपाल बदने आणि प्रशांत बनकर यांच्याकडून बलात्कार आणि मानसिक-शारीरिक छळाचेही आरोप आहेत. संपदा मुंडे यांनी आपल्या सुसाइड नोटमध्ये आता हे सहन होत नाही, माझ्या मृत्यूचे कारण हेच, न्याय द्या असे नमूद केले होते. गायकवाड यांनी याला आत्महत्या नसून ‘संस्थात्मक हत्या’ असे म्हटले आहे.

मुख्यमंत्री देवेंद्र फडणवीस यांनी या प्रकरणातील आरोपींना पाठिंबा दिल्याबद्दल वर्षा गायकवाड यांनी तीव्र नाराजी व्यक्त केली. त्या म्हणाल्या की, फडणवीस यांनी तात्काळ चौकशी न करता आरोपींना ‘क्लीन चिट’ दिली. हा संपूर्ण प्रकार प्रशासकीय आणि राजकीय व्यवस्थेतील अपयश दर्शवतो असे गायकवाड यांनी स्पष्ट केले.