Delhi Protest : ज्ञानेश कुमारांच्या राजीनाम्याची मागणी; दिल्लीत आंदोलनाचा भडका, इंटरनेट सेवा बंद
दिल्लीत ज्ञानेश कुमार यांच्या राजीनाम्यासाठी आप आणि डाव्या विद्यार्थी संघटनांकडून तीव्र आंदोलन पुकारण्यात आले आहे. जंतर मंतरवर मोठ्या प्रमाणात पोलीस बंदोबस्त तैनात करण्यात आला असून ११ मेट्रो स्थानके बंद करण्यात आली आहेत. अरविंद केजरीवाल यांच्यासह प्रमुख नेते या आंदोलनात सहभागी होण्याची शक्यता आहे.
दिल्लीत मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी आम आदमी पार्टीसह डाव्या विद्यार्थी संघटनांनी आंदोलन पुकारले आहे. हे आंदोलन दिल्लीतील ऐतिहासिक जंतर मंतर मैदानावर होत आहे. या पार्श्वभूमीवर दिल्लीत पोलिसांचा मोठा बंदोबस्त तैनात करण्यात आला असून, कायदा व सुव्यवस्था राखण्यासाठी उपाययोजना केल्या जात आहेत.
जंतर मंतर परिसरातील सुरक्षा व्यवस्था वाढवण्यात आली असून, दिल्ली पोलिसांनी रॅपिड ॲक्शन फोर्स आणि आयटीबीपीचे जवान मोठ्या संख्येने तैनात केले आहेत. आंदोलकांना रोखण्यासाठी बॅरिकेटिंग करण्यात आले असून, अश्रुधुराच्या नळकांड्या आणि पाण्याचे फवारे मारणारी वाहनेही सज्ज ठेवण्यात आली आहेत. या आंदोलनाच्या पार्श्वभूमीवर दिल्लीतील ११ मेट्रो स्थानके बंद ठेवण्यात आली आहेत. आम आदमी पक्षाचे प्रमुख अरविंद केजरीवाल आणि डाव्या संघटनांच्या नेत्या नेहा भोरा यांच्यासह अनेक प्रमुख नेते या आंदोलनात सहभागी होण्याची शक्यता आहे. देशभरातील विरोधी पक्षांकडून ज्ञानेश कुमार यांच्या राजीनाम्याची मागणी जोर धरत आहे.
