Mahayuti Unity : फोडाफोडीनं नाराजी, वाक् युद्धांनंतर आज शिंदे-रवींद्र चव्हाण एकाच मंचावर? एकत्र हजेरी?

उपमुख्यमंत्री एकनाथ शिंदे आणि भाजपचे प्रदेशाध्यक्ष रवींद्र चव्हाण हे आज डोंबिवलीत एकाच मंचावर येणार असल्याची शक्यता आहे. केडीएमसीच्या सावळाराम क्रीडा संकुलाचे भूमिपूजन आणि सावित्रीबाई नाट्यगृहाच्या नूतनीकरणाच्या कार्यक्रमासाठी हे दोन्ही नेते दुपारी चार वाजता उपस्थित राहणार आहेत. स्थानिक निवडणुकीमध्ये पक्षप्रवेशावरून त्यांच्यात वाद निर्माण झाला होता, त्यामुळे ही भेट लक्षवेधी ठरणार आहे. या कार्यक्रमाला उपमुख्यमंत्री शिंदे यांच्यासह उदय सामंत हे देखील उपस्थित असतील, तर रवींद्र चव्हाण यांना प्रमुख पाहुणे म्हणून आमंत्रित करण्यात आले आहे. महायुतीतील मतभेद दूर करण्याची क्षमता देवेंद्र फडणवीस, एकनाथ शिंदे आणि अजित पवार यांच्यामध्ये असून, खालच्या पातळीवरचे मतभेद दूर केले जातील, असे मत व्यक्त करण्यात आले आहे. निवडणुका संपल्यानंतर सर्व काही विसरले पाहिजे, असे रवींद्र चव्हाण यांनी यापूर्वी म्हटले होते.