honey singh : हनी सिंहच्या अडचणी वाढल्या?; महाराष्ट्र सायबरकडून समन्स, मात्र चौकशीला गैरहजर

प्रसिद्ध संगीतकार आणि गायक हनी सिंगला महाराष्ट्र सायबर विभागाने चौकशीसाठी समन्स बजावले आहे. एका कॉन्सर्टदरम्यान कथित स्वरूपाचे आक्षेपार्ह वक्तव्य केल्याप्रकरणी हनी सिंगविरुद्ध ही कारवाई करण्यात आली आहे. या प्रकरणी महाराष्ट्र सायबरकडे हनी सिंगच्या विरोधात तक्रार दाखल करण्यात आली होती, ज्याची दखल घेत विभागाने समन्स बजावले आहे.

मिळालेल्या माहितीनुसार, हनी सिंगला चौकशीसाठी हजर राहण्याचे आदेश देण्यात आले होते. मात्र, समन्स बजावल्यानंतरही हनी सिंग अद्याप चौकशीसाठी हजर झालेला नाही. त्याने आपला जबाब नोंदवण्यासाठी महाराष्ट्र सायबर विभागाकडे अधिक वेळ मागितला आहे. या घटनेमुळे संगीत जगतात आणि त्याच्या चाहत्यांमध्ये चर्चा सुरू झाली आहे. महाराष्ट्र सायबर विभाग या प्रकरणी पुढील चौकशी करत आहे, आणि हनी सिंग कधी जबाब नोंदवण्यासाठी हजर राहतो, याकडे सर्वांचे लक्ष लागले आहे. या प्रकरणाची सखोल चौकशी करून सत्य समोर आणण्याचा प्रयत्न सायबर विभाग करत आहे.