Jalna Rain : जालन्यात पावसाचा हाहाकार, पुराच्या पाण्यानं पूर्णतः शेतीला वेढलं, बघा ड्रोन व्ह्यू

जालना जिल्ह्यात पावसाचा हाहाकार माजला असून, बदनापूर तालुक्यातील वाकुळणी परिसरातील शेतकऱ्यांना याचा मोठा फटका बसला आहे. मध्यरात्रीपासून झालेल्या मुसळधार पावसामुळे शेकडो हेक्टर शेतीजमीन पाण्याखाली गेली आहे. सोयाबीन आणि कापशीची पिके पूर्णतः नष्ट झाली आहेत. शेतकऱ्यांचे एकरी ४० ते ५० हजार रुपयांचे नुकसान झाले असून, ते सरकारकडून एक लाख रुपये प्रति एकर मदतीची मागणी करत आहेत. पावसाच्या या प्रचंड तीव्रतेमुळे शेतकऱ्यांचा जीवनावश्यक आधारच हिरावला गेला आहे. अनेक शेतकऱ्यांनी तहसीलदार आणि इतर अधिकाऱ्यांना फोन केले असले तरी, अद्याप पंचनामा झालेला नाही. या परिस्थितीचा विचार करून सरकारने तात्काळ मदत आणि पंचनामा करणे आवश्यक आहे.