Vidarbha Heavy Rain: विदर्भालाही झोडपलं.. लातूर, अकोल्यात परतीच्या पावसाचा हाहाकार, कापूस सोयाबीन पिकाला मोठा फटका

अकोला जिल्ह्यातील उगवा परिसरातील शेतकरी सध्या परतीच्या पावसाने आलेल्या मोठ्या संकटाचा सामना करत आहेत. या मुसळधार पावसामुळे खरीप हंगामातील सोयाबीन, तूर आणि कापूस या प्रमुख पिकांना मोठा फटका बसला आहे. काढणीला आलेले सोयाबीन पीक अचानक आलेल्या पावसामुळे हातातून गेले आहे.

एका शेतकऱ्याने टीव्ही९ मराठीला दिलेल्या माहितीनुसार, पिकाला बुरशी चढली असून, बियाणे काढणेही मुश्किल झाले आहे. लागलेला खर्चही निघत नसल्याचे शेतकरी सांगत आहेत. काही शेतकऱ्यांनी एकरी २५,००० रुपये खर्च करून लागवड केली होती, ज्यात एकूण ७०,००० रुपये खर्च झाला, मात्र त्यातून १०-१५,००० रुपये उत्पन्नही अपेक्षित नाही. दसरा-दिवाळी समोर असताना, मदत सोडाच, पण बियाणेही पिकले नाही, असे शेतकरी गणेश सोनवणे यांनी म्हटले आहे. या अनपेक्षित नैसर्गिक आपत्तीमुळे शेतकरी मोठ्या आर्थिक अडचणीत सापडले आहेत.