Laxman Hake : एक पंडित पडले, दुसरे पंडित आले…हाकेंनी मोठी घोषणा करत कोणावर साधला निशाणा?

बीड येथील राजकीय वर्तुळातून महत्त्वाच्या घडामोडी समोर आल्या आहेत. लक्ष्मण हाके यांनी विजयसिंह पंडित यांच्यावर टीका करत “एक पंडित पडले, दुसरे पंडित आले” असे विधान केले. बीडमध्ये बोलताना हाके यांनी आमदारकीसाठी लढण्याची आपली इच्छा व्यक्त केली. त्यांनी गावपातळीवरील सरपंपद किंवा जिल्हा परिषदेच्या पदांसाठी न भांडता थेट आमदारकीसाठी प्रयत्न करण्याचे आवाहन केले.

दरम्यान, ओबीसी नेते बबनराव तायवाडे यांनी राजकीय नेत्यांना आवाहन केले आहे की त्यांनी ओबीसी समाजाची दिशाभूल होणार नाही याची काळजी घ्यावी. बीडमधील आजच्या मोर्चाच्या काही मागणीशी आपली सहमती नसल्याचेही तायवाडे यांनी स्पष्ट केले. ओबीसी नेत्यांमध्ये मतभेद असले तरी मनभेद नसल्याचे सांगत भविष्यात ओबीसी हितासाठी सर्व नेते एकाच मंचावर येतील, असा विश्वास त्यांनी व्यक्त केला. राजकीय नेत्यांवर समाजाचा मोठा विश्वास असतो, त्यामुळे त्यांची वक्तव्ये अंतिम सत्य मानली जातात, याकडेही तायवाडे यांनी लक्ष वेधले.