अडकलेल्या नागरिकांना एअरलिफ्ट करा, उपमुख्यमंत्री शिंदेंच्या सूचना

बीड जिल्ह्यात मुसळधार पावसाने हाहाकार माजवला आहे. आष्टी तालुक्यात अनेक नागरिक पूरग्रस्त झाले असून, त्यांची सुरक्षितता चिंतेचा विषय बनली आहे. या पार्श्वभूमीवर उपमुख्यमंत्री एकनाथ शिंदे यांनी अडकलेल्या नागरिकांना एअरलिफ्ट करण्याच्या सूचना दिल्या. बीडच्या कडा शहरात अडकलेल्या नागरिकांना हेलिकॉप्टरच्या मदतीने वाचवण्यात आले. आमदार सुरेश धस यांनी बचावकार्यात महत्त्वपूर्ण भूमिका बजावली. हेलिकॉप्टरने चार ठिकाणच्या नागरिकांचे रेस्क्यू करण्यात आले. नागरिकांचे सुरक्षित स्थळी पोहोचवल्यानंतर त्यांच्या आनंदाश्रू पाहण्यास मिळाले. या घटनेमुळे राज्यभरातील लोकांचे लक्ष वेधले गेले आहे. शिंदे सरकारने केलेल्या तात्काळ मदतीचे कौतुक केले जात आहे.