Manoj Jarange | आम्ही आडमुठे नाही, सरकार आम्हाला फसवतंय! मनोज जरांगेंचा थेट आरोप

मराठा आरक्षणाच्या मागणीसाठी लढा देत असलेले मनोज जरांगे पाटील यांनी पुन्हा एकदा सरकार आणि राजकीय नेत्यांवर तीव्र शब्दांत हल्ला चढवला आहे. सरकार मराठा समाजाची फसवणूक करत असल्याचा थेट आरोप त्यांनी केला. जरांगे पाटील यांनी मराठा समाजाला आवाहन केले आहे की, त्यांनी पक्ष आणि नेत्यांपेक्षा आपल्या मुला-बाळांचे भविष्य महत्त्वाचे मानावे. राजकीय नेते मराठ्यांच्या लेकरांसाठी काहीही देणार नाहीत, तर त्यांचे स्वतःचे कष्टच त्यांना पुढे नेतील, असे त्यांनी ठामपणे सांगितले.

जरांगे पाटील यांनी म्हटले आहे की, “आम्ही आडमुठे नाही, सरकार आम्हाला फसवतेय.” त्यांनी मराठा आरक्षणासाठी सरकारला अनेक संधी दिल्याचे नमूद केले. २९ ऑगस्ट २०२५ रोजी पहिली संधी दिल्याचे, तसेच ३१ मे रोजी दुसरी संधी दिल्याचे त्यांनी सांगितले. आता १२ सप्टेंबरपासून मुंबईला पोहोचेपर्यंत सरकारला मराठा आरक्षणाचा प्रश्न मार्गी लावण्यासाठी चौथी संधी असल्याचे जरांगे पाटील यांनी बजावले आहे. ज्या मराठा नेत्यांनी समाजाच्या मदतीला धाव घेतली नाही, त्यांना निवडणुकीत पाडण्याचे आवाहनही त्यांनी केले.