Local Elections: नगरपरिषद, नगरपंचायतींसाठी अर्ज भरण्याची मुदत संपली, शेवटच्या दिवशी मोठी गर्दी, कुठं काय परिस्थिती?

राज्यातील २४६ नगरपरिषदा आणि ४२ नगरपंचायतींसाठी उमेदवारी अर्ज भरण्याची अंतिम मुदत नुकतीच संपली आहे. २ डिसेंबर रोजी मतदान होणार असून, ३ डिसेंबरला निकाल जाहीर होईल. शेवटच्या दिवशी अर्ज भरण्यासाठी मोठी गर्दी झाली होती. अंबरनाथ, बीड, माजलगाव, परळी, अनगर, चाकण, कणकवली, अमरावती (चिखलदरा), कागल आणि संगमनेरसह अनेक ठिकाणी नगराध्यक्ष पदासाठी चुरशीची लढत होणार आहे. अनेक ठिकाणी महाविकास आघाडी आणि महायुतीचे उमेदवार आमनेसामने आले आहेत. काही ठिकाणी उमेदवारी अर्जांमुळे राजकीय वातावरण तापले असून, आरोप-प्रत्यारोप सुरू आहेत. या निवडणुकांकडे राज्याचे लक्ष लागले आहे.