Nitin Gadkari : नगरसेवक बनायचं असेल तर आधी कामं करा, नाहीतर… इच्छुक उमेदवारांवर गडकरींचं खास शैलीत थेट सल्ला

केंद्रीय मंत्री नितीन गडकरी यांनी निवडणुकीतील इच्छुक उमेदवारांना उद्देशून महत्त्वपूर्ण भाष्य केले आहे. त्यांची ही प्रतिक्रिया महाराष्ट्रातील स्थानिक स्वराज्य संस्थांच्या निवडणुकांच्या पार्श्वभूमीवर महत्त्वाची मानली जात आहे. प्रत्येक उमेदवाराला आपल्यालाच तिकीट मिळावे असे वाटत असते, यावर गडकरींनी आपली भूमिका स्पष्ट केली. गडकरी म्हणाले की, अनेक इच्छुकांना असे वाटते की नितीन गडकरी किंवा देवेंद्र फडणवीस यांनी शिफारस केल्यास त्यांना तिकीट मिळेल. मात्र, नगरसेवक बनण्याची इच्छा असल्यास सर्वप्रथम जनतेसाठी काम करा. जर सकाळी उठून लोकांमध्ये जाण्याची आणि त्यांचे प्रश्न सोडवण्याची इच्छा नसेल, तर तिकीट मागू नका, असा थेट सल्ला त्यांनी दिला.