ZP Election 2026 Result Update : पुण्यात कोण मारणार बाजी? कुणाचे राहणार वर्चस्व?
आज 12 जिल्हा परिषदा आणि 125 पंचायत समित्यांच्या निवडणुकांचे निकाल जाहीर होत आहेत. मतमोजणी प्रक्रिया लवकरच सुरू होणार असून, आजी-माजी लोकप्रतिनिधींच्या मुलांचे भवितव्य ठरणार आहे. इंदापूरमध्ये दत्तात्रय भरणे आणि हर्षवर्धन पाटील यांच्या मुलांमधील लढत प्रतिष्ठेची ठरली आहे. अजित पवारांच्या निधनानंतर पुणे जिल्ह्यातील या निवडणुकांकडे सर्वांचे लक्ष लागले आहे.
आज महाराष्ट्रभरातील 12 जिल्हा परिषदा आणि 125 पंचायत समित्यांच्या निवडणुकांचे निकाल जाहीर होणार आहेत. मतमोजणीला काही वेळातच सुरुवात होणार असून, आधी पोस्टल मते आणि त्यानंतर ईव्हीएमची मते मोजली जातील. या निवडणुकांमध्ये अनेक आजी-माजी लोकप्रतिनिधींची मुले आणि नातेवाईक रिंगणात उतरले असल्याने लक्षवेधी ठरल्या आहेत.
विशेषतः पुणे जिल्ह्यातील इंदापूर तालुक्यात प्रतिष्ठेची लढत पाहायला मिळत आहे. राज्याचे कृषिमंत्री दत्तात्रय भरणे यांचा मुलगा श्रीराज भरणे आणि माजी मंत्री हर्षवर्धन पाटील यांची मुलगी अंकिता पाटील यांच्यातील सामना उत्सुकतेचा विषय बनला आहे. या निवडणुकीकडे संपूर्ण महाराष्ट्राचे लक्ष लागलेले आहे, कारण अजित पवारांच्या निधनानंतरची ही पहिली मोठी निवडणूक असल्याने पुणे जिल्ह्यात शोकाचे वातावरण आहे, आणि राष्ट्रवादी काँग्रेसने प्रचारात सहभाग घेतला नव्हता. त्यामुळे मतदारांनी कोणाला कौल दिला, हे पाहणे महत्त्वाचे ठरेल.
