आता जिंकायचंच! कसबा पोटनिवडणुकीसाठी भाजपची विशेष रणनिती, 7 तास मॅरेथॉन बैठक

पुणे : कसबा आणि पिंपरी चिंचवड विधानसभा पोटनिवडणूक जिंकण्यासाठी भाजप वेगवेगळी रणनिती आखत आहे. यासाठी भाजपने काल 7 तास मॅरेथॉन बैठक घेतली. यात पोटनिवडणुकीतील रणनितीवर चर्चा झाली. राज्याचे उपमुख्यमंत्री देवेंद्र फडणवीस यांच्या उपस्थितीत आमदार सिद्धार्थ शिरोळे यांच्या निवासस्थानी ही मॅरेथॉन बैठक पार पडली. या बैठकीला चार मंत्री उपस्थित होते. चंद्रकात पाटील, गिरीश महाजन, रविंद्र चव्हाण हे या बैठकीत होते. तसंच भाजपचे प्रदेशाध्यक्ष चंद्रशेखर बावनकुळे यांची देखील या बैठकीला उपस्थिती होती. त्यासोबतच काल पुण्यातील उद्योजकांसोबतही देवेंद्र फडणवीस यांनी एक बैठक घेतली आहे. पुनीत बालन आणि फतेचंद रांका या बैठकीला उपस्थित होते. फत्तेचंद रांका हे व्यापारी महासंघांचे अध्यक्ष आहेत.