कार्यकर्त्यांचा उत्साह! पुण्यात राहुल गांधींना मुस्लिम तरुण देणार छत्रपती शिवाजी महाराजांची मूर्ती

पुण्यामध्ये राहुल गांधींच्या छात्रों की गूंज या कार्यक्रमासाठी आलेल्या एका मुस्लिम तरुणाने त्यांना छत्रपती शिवाजी महाराजांची मूर्ती भेट देणार आहेत. मुदस्सिर खान असे या तरुणाचे नाव असून, तो मोहसिन भाई शेख आणि तस्लीम हसन शेख यांच्यासोबत पुण्यामध्ये राहुल गांधींना भेटण्यासाठी आला होता.

मुदस्सिर खान यांनी सांगितले की, ते अनेक वर्षांपासून काँग्रेस पक्षाचे सक्रिय कार्यकर्ते आहेत. राहुल गांधींची भेट झाल्यावर त्यांना शिवाजी महाराजांची मूर्ती देणार असल्याचे त्यांनी नमूद केले. राहुल गांधींनी नीट परीक्षेतील गैरप्रकार आणि पेपरफुटीच्या मुद्द्यावर घेतलेली भूमिका आणि अमित शहांच्या राजीनाम्याची मागणी यावर बोलताना मुदस्सिर खान म्हणाले की, राहुल गांधी जे करत आहेत ते खूप चांगले आहे.

यामुळे युवा वर्गाला न्याय मिळत आहे आणि विद्यार्थ्यांसाठी राहुल गांधी चांगले काम करत आहेत. राहुल गांधींनी युवांसाठी केलेल्या कार्याचे कौतुक करताना, पेपरफुटीच्या मुद्द्यावर त्यांनी लक्ष घातल्यामुळेच प्रधानमंत्र्यांच्या राजीनाम्याची वेळ आल्याचेही त्यांनी सांगितले. राहुल गांधींशी अद्याप भेट झाली नसली तरी, ते लवकरच भेटण्याची अपेक्षा करत असल्याचे मुदस्सिर खान यांनी नमूद केले.