राहुल गांधींच्या पुणे दौऱ्याला उस्फुर्त प्रतिसाद! कार्यकर्ता तसेच विद्यार्थिनींनी सकारली सुंदर रांगोळी

पुण्यात आयोजित छात्रों की गूंज या कार्यक्रमात काँग्रेस नेते राहुल गांधी यांचे अनोख्या पद्धतीने स्वागत करण्यात आले. कार्यक्रमाच्या मैदानावर काही विद्यार्थिनींनी रांगोळीच्या माध्यमातून राहुल गांधींचे भव्य चित्र साकारले. या रांगोळीत छात्रों की गूंज हा संदेशही रेखाटण्यात आला होता. मुलींनी सांगितले की, गांधीजींच्या आगमनाप्रीत्यर्थ त्यांच्या स्वागताची तयारी म्हणून ही रांगोळी काढण्यात आली आहे.

राहुल गांधी मुलींसाठी जे प्रश्न मांडणार आहेत, त्यांच्या सुरक्षेसाठी, शिक्षणासाठी आणि करिअरसाठी जे प्रयत्न करणार आहेत, त्यालाच या रांगोळीच्या माध्यमातून पाठिंबा दर्शवण्यात येत आहे. मुलींच्या भविष्यासाठी ते जे काही करत आहेत, त्याबद्दल कृतज्ञता व्यक्त करण्यासाठी ही कलाकृती साकारली असल्याचे विद्यार्थिनींनी सांगितले. हा प्रयत्न केवळ स्वागतपर नसून, रांगोळीद्वारे एक सकारात्मक संदेश देण्याचाही होता. टीव्ही ९ मराठीने या प्रसंगाची नोंद घेतली.