भाजपकडून धंगेकरांची कोंडी? मुलगा अपक्ष निवडणूक लढणार; सुत्रांची माहिती

पुण्यात भाजप आणि शिवसेना (शिंदे गट) यांच्यातील जागावाटपाचा मुद्दा तापला आहे. शिवसेना नेते रवींद्र धंगेकर यांचा मुलगा प्रणव धंगेकर प्रभाग क्रमांक २४ मधून अपक्ष निवडणूक लढवणार असल्याची माहिती सूत्रांनी दिली आहे. भाजप या प्रभागातून जागा सोडण्यास इच्छुक नसल्याने ही परिस्थिती निर्माण झाली आहे.

रवींद्र धंगेकर यांनी भाजपच्या जागावाटपाच्या धोरणांवर तीव्र नाराजी व्यक्त केली आहे. त्यांच्या मते, भारतीय जनता पक्षाकडून शिवसेनेला जिंकणे कठीण असलेल्या जागा दिल्या जात आहेत, ज्यामुळे शिवसैनिकांचा अपमान होत आहे. त्यांनी आपण उपमुख्यमंत्री एकनाथ शिंदे यांच्याशी यासंदर्भात चर्चा करणार असल्याचे सांगितले. शिवसैनिक लाचारी पत्करणार नाहीत आणि सन्मानाने निवडणूक लढवतील, असा निर्धार त्यांनी व्यक्त केला. त्यांनी पुण्यात शिवसैनिकांच्या अधिकारांसाठी रस्त्यावर उतरून संघर्ष करण्याची तयारी दर्शवली.