Video : सावित्रीबाई फुलेंनीही 200 वर्षांपूर्वी…. रुपाली चाकणकर यांच्या विधानामुळे संताप, नेमकं काय म्हणाल्या?

गणेशोत्सवानिमित्त बोलताना रुपाली चाकणकर यांनी पुणेकरांना आणि महाराष्ट्रातील गणेश भक्तांना शुभेच्छा दिल्या. पुनीतजींनी राबवलेल्या डीजे-मुक्त गणेशोत्सव आणि विविध सामाजिक उपक्रमांचे त्यांनी कौतुक केले. गर्भात वाढणाऱ्या लेकीचे स्वागत व्हावे आणि बालविवाहासारख्या प्रथा थांबाव्यात, असा संदेश त्यांनी दिला. महाराष्ट्रातील दुष्काळाच्या सावटाखाली असलेल्या बळीराजासाठी त्यांनी गणरायाकडे प्रार्थना केली. यावेळी अजित दादांच्या अनुपस्थितीची उणीव त्यांना प्रकर्षाने जाणवली, पक्ष स्थापनेपासून दादांसोबत काम केल्याची आठवण त्यांनी सांगितली. आपल्यावरील आरोपांबाबत बोलताना रुपाली चाकणकर यांनी त्या खोटे असल्याचे नमूद केले. दिल्ली, मुंबई, माजगाव, पुणे यासह अनेक ठिकाणी त्या कायदेशीर लढा देत आहेत. चारित्र्यावर उडणारे शिंतोडे सावित्रीबाई फुलेंनी 200 वर्षांपूर्वी सहन केले होते, त्याचप्रमाणे आज एक सावित्रीची लेक म्हणून आपण लढत असल्याचे त्यांनी ठामपणे सांगितले. महिलांचा सन्मान राखला जावा, मग तो कोणत्याही पक्षाचा किंवा व्यक्तीचा असो, असे आवाहनही त्यांनी केले.

आपल्या सध्याच्या राजकीय स्थितीबद्दल आणि कमबॅकबद्दल विचारले असता, रुपाली चाकणकर म्हणाले, त्यांच्यावर जे विनाकारण आरोप केले गेले, ते खोटे असल्याचे त्यांनी प्रत्येक ठिकाणी सिद्ध केले आहे. कारण त्या महाराष्ट्राची लेक आहेत आणि खोट्या आरोपांना बळी पडणार नाहीत, असे त्यांनी ठामपणे सांगितले. चारित्र्यावर उडणारे शिंतोडे २०० वर्षांपूर्वी सावित्रीबाई फुलेंनीही सहन केले होते आणि आजही एक रुपाली तीच सावित्रीची लेक म्हणून लढत आहे, असे सांगत त्यांनी आपल्या संघर्षाला ऐतिहासिक संदर्भ दिला. कमबॅकचा प्रश्नच येत नाही कारण त्या नेहमीच लढताना आणि लोकांमध्ये कार्यरत असल्याचे त्यांनी सांगितले. एका प्रश्नाचं उत्तर देताना चाकरणकर म्हणाल्या, महिलांचा सन्मान केला गेला पाहिजे, मग तो पक्ष कोणताही असो किंवा व्यक्ती कोणतीही असो, असे त्यांनी नमूद केले. महिला सन्मानासाठी आपण सुरुवातीपासून लढत आलो आहोत, असे म्हणत त्यांनी आपल्या भूमिकेचा पुनरुच्चार केला.