मोठी अपडेट! मनसे नेते संदीप देशपांडेंचं जैन मुनींना थेट आव्हान; आता मुंब्य्रात…

मनसे नेते संदीप देशपांडे यांनी पत्रकार परिषदेत सांस्कृतिक दहशतवादाच्या मुद्द्यावरून जोरदार भूमिका मांडली. दादरमध्ये लावण्यात आलेल्या पट्ट्यांप्रमाणे मुंब्रामध्ये सफेद पट्टी मारून दाखवा, असे आव्हान त्यांनी दिले. माझ्या घरासमोर मच्छी मार्केट नको म्हणणे हा सांस्कृतिक दहशतवाद असल्याचे काही जण सांगत आहेत, मात्र आम्हाला हे मान्य नसल्याचे त्यांनी स्पष्ट केले.

जैन समाजातील काही हितचिंतकांचे फोन आल्याचे सांगत त्यांनी धर्म चार भिंतीत असावा, सार्वजनिक ठिकाणी अनिष्ट प्रथा चालू ठेवू नयेत, असे मत व्यक्त केले. महात्मा ज्योतिबा फुले आणि प्रबोधनकार ठाकरे यांनी समाजातील अनेक अनिष्ट प्रथा बंद केल्याची आठवणही त्यांनी करून दिली.

रस्त्यांचे विद्रुपीकरण करणाऱ्यांवर FIR दाखल करावी, असे पत्र वॉर्ड ऑफिसर यांनी द्यायला हवे, अशी मागणीही त्यांनी केली. महिलांना दुय्यम स्थान देणाऱ्यांवरही त्यांनी टीका केली. जिथे जिथे असे प्रकार घडतील तिथे महाराष्ट्र सैनिक पोहोचतील, असा इशाराही संदीप देशपांडे यांनी दिला.