Nagpur Metro ट्रेनचा वेग मंदावणार, ताशी 50 किलो मीटरवरुन 40 वर, काय आहे कारण?

नागपूर, ३० ऑगस्ट २०२३ | नागपूर मेट्रो रेल्वेच्या पुलाला काही ठिकाणी छोटे तडे गेल्याची माहिती समोर येत आहे. न्यू मेट्रो स्टेशन ते खापरी मेट्रो ते गड्डीगोदम रेल्वेच्या पुलाला एक दोन ठिकाणी हे छोटे तडे गेल्याचे सांगितले जात आहे. यामुळे मेट्रो प्रशासनानं मेट्रो ट्रेनचा या मार्गावरील वेग कमी केल्याचे दिसून येत आहे. यामुळे मेट्रो प्रशासनाकडून मेट्रो ट्रेनचा ताशी 50 किलोमीटर वेग 40 वर आणला गेला आहे. मेट्रो प्रशासन नेमके तडे कशामुळे गेले याची कारणमीमांसा करणार असून त्यावर काम सुरू करण्यात आल्याचेही पाहायला मिळत आहे. तर मेट्रोच्या फेऱ्यांवर याचा कोणताही परिणाम होणार नसल्याचे मेट्रो प्रशासनाकडून सांगितले जात आहे.