Sunil Tatkare : अजितदादा असते तर दोन्ही राष्ट्रवादी…; सुनील तटकरे यांचं मोठं विधान

राष्ट्रवादी काँग्रेसचे नेते सुनील तटकरे यांनी नुकतेच एक मोठे विधान केले आहे. जर अजित पवार हयात असते तर दोन्ही राष्ट्रवादी गट एकत्र आले असते असे त्यांनी म्हटले आहे. १२ फेब्रुवारी रोजी विलिनीकरण झाले असते आणि अजित पवारांनी त्यांना विलिनीकरणाची पूर्ण कल्पना दिली होती, असा दावा तटकरे यांनी केला आहे. अजित पवारांच्या अपघाती निधनामुळे हा विषय थांबला आणि त्यामुळे दोन्ही राष्ट्रवादी काँग्रेस एकत्र येण्याच्या चर्चांना विराम मिळाला, असे तटकरेंनी स्पष्ट केले.

या विधानावर रोहित पवारांनी तीव्र प्रतिक्रिया दिली आहे. त्यांनी तटकरेंना सवाल केला आहे की, दादांच्या निधनानंतर तुम्ही आणि प्रफुल्ल पटेल यांनी विलिनीकरणाची चर्चा झाली नसल्याचे म्हटले होते, मग त्यावेळी खोटे का बोललात? आज भूमिका बदलण्यामागे काय हेतू आहे, हे स्पष्ट करावे असेही रोहित पवार म्हणाले. तसेच, जर विलिनीकरण होणार असेल तर अजित पवार गट सत्तेत राहणार की नाही, असा प्रश्नही त्यांनी उपस्थित केला.