Vijay Wadettiwar : भाजपविरोधात काँग्रेस मनसेसोबत जुळवून घेणार? विचारधारा मान्य नाही पण… वडेट्टीवार यांचे मोठं विधान

काँग्रेस नेते विजय वडेट्टीवार यांनी एक महत्त्वाचे राजकीय मत व्यक्त केले आहे. त्यांच्या मते, महाराष्ट्र नवनिर्माण सेनेसोबत (मनसे) काँग्रेसची विचारधारा जुळत नसली तरी, भारतीय जनता पक्षाविरोधात (भाजप) एकत्र येण्याची गरज आहे. भाजपला पराभूत करण्यासाठी एकत्र येण्यास आपण सकारात्मक असल्याचे वडेट्टीवार यांनी म्हटले. आघाडीत लढण्याबाबत शरद पवारांनी घेतलेली भूमिका योग्य असल्याचेही त्यांनी नमूद केले. मतदारयाद्या स्वच्छ करण्यासंदर्भात काढलेला मोर्चा हा मतचोरीच्या संदर्भातला होता. मनसेशी वैचारिक आयडॉलॉजी जुळत नसली तरी, भाजपसारख्या धर्मांध शक्तीला संपवण्यासाठी एकत्र येणे आवश्यक असल्याचे त्यांचे मत आहे. यापूर्वी शरद पवारांनी ठाकरे बंधू एकत्र आले तर चांगले होईल असे विधान केले होते, त्यामुळे मनसेला महाविकास आघाडीसोबत (मविआ) घेण्याबाबत तर्कवितर्क लढवले जात आहेत.