Mahindra विरुद्ध टाटा मोटर्समध्ये ‘काटे की टक्कर’, महिंद्राच्या कारने विक्रम मोडला
महिंद्रा अँड महिंद्रा इलेक्ट्रिक कार सेगमेंटमध्ये थांबण्याचं नावच घेत नाहीये. आता ही कंपनी टाटा मोटर्सला टक्कर देण्याच्या तयारीत आहे. महिंद्रा अँड महिंद्राने गेल्या वर्षी आपली 2 बॉर्न इलेक्ट्रिक कार लाँच केली होती. तेव्हापासून त्याच्याबद्दल चर्चा सुरू आहे. आता त्यांच्या बुकिंगने सर्व विक्रम मोडले आहेत. त्यांचे बुकिंग सुमारे 8,472 कोटी रुपयांवर गेले आहे. याविषयी जाणून घेऊया.
महिंद्रा अँड महिंद्राच्या Mahindra XEV 9e आणि Mahindra BE 6 या दोन इलेक्ट्रिक कारने धमाकाच केला आहे. असं म्हणण्याचं कारण म्हणजे या कारच्या बुकिंगने पहिल्याच दिवशी आतापर्यंतचे सर्व विक्रम मोडले आहेत. आता नेमके काय विक्रम केले आहेत, तसेच कंपनी नेमकी कोणाशी स्पर्धा करत आहे, याविषयी जाणून घेऊया.
एसयूव्ही मार्केटमध्ये महिंद्रा अँड महिंद्राचा दबदबा कायम आहे. आता कंपनीने इलेक्ट्रिक कार सेगमेंटमध्ये टाटा मोटर्सला जोरदार टक्कर देण्याचा निर्णय घेतला आहे. गेल्या वर्षी कंपनीने Mahindra XEV 9e आणि Mahindra BE 6 या दोन इलेक्ट्रिक कार लॉन्च केल्या होत्या. आता या कारच्या बुकिंगने पहिल्याच दिवशी आतापर्यंतचे सर्व विक्रम मोडले आहेत.
महिंद्रा अँड महिंद्राच्या म्हणण्यानुसार, या दोन्ही कारइतके बुक करण्यात आल्या आहेत की, एक्स-शोरूम किंमतीनुसार त्यांना एकूण 8,472 कोटी रुपयांच्या ऑर्डर्स मिळाल्या आहेत.
30 हजारांहून अधिक गाड्यांचे बुकिंग
महिंद्राने या दोन्ही इलेक्ट्रिक कार ईव्ही म्हणून विकसित केल्या आहेत. म्हणूनच त्यांना बॉर्न इलेक्ट्रिक कार म्हटले जात आहे. बुकिंग सुरू झाल्यानंतर कंपनीला दोन्ही मॉडेल्सच्या एकूण 30,179 कारचे बुकिंग मिळाले आहे. यापैकी 56 टक्के बुकिंग Mahindra XEV 9e आणि 44 टक्के बुकिंग Mahindra BE 6 साठी प्राप्त झाले आहे.
2024 मध्ये देशात एकूण 1 लाख इलेक्ट्रिक कारची विक्री झाली आहे. महिंद्राला पहिल्याच दिवशी 30 हजारांहून अधिक इलेक्ट्रिक कारचे बुकिंग मिळाल्याने या सेगमेंटमध्ये लोकांचा वाढता कल दिसून येतो.
कंपनीच्या दोन इलेक्ट्रिक कारपैकी जवळपास 73 टक्के कारने अधिक रेंज असलेले 3 व्हेरियंट बुक केले आहेत. ही कार 79 किलो वॅट बॅटरी पॅकसह येणार आहे, जी सिंगल चार्जमध्ये 650 किलोमीटरपेक्षा जास्त रेंज देईल. Mahindra XEV 9e ची किंमत 21.90 लाख रुपयांपासून आणि Mahindra BE 6 ची किंमत 18.90 लाख रुपयांपासून सुरू होते.
डिलिव्हरी कधी सुरू होणार?
कंपनीने आपल्या इलेक्ट्रिक कारसाठी मोठ्या प्रमाणात बुकिंग केले आहे. त्यामुळे कंपनी आता टप्प्याटप्प्याने त्यांची डिलिव्हरी करणार आहे. या कारची डिलिव्हरी जून 2025 पासून सुरू होईल. कारची डिलिव्हरी त्यांच्या बॅटरी पॅक व्हेरियंटनुसार वेगवेगळ्या टप्प्यात सुरू होईल. ऑगस्टपर्यंत सर्व प्रकारच्या बॅटरी पॅकसह ईव्हीची डिलिव्हरी सुरू होईल. महिंद्रा लवकरच 7 सीटर इलेक्ट्रिक कार आणणार आहे.
