31 किमी मायलेजसह Maruti Dzire CNG बाजारात, जाणून घ्या किंमत आणि फीचर्स
मारुती सुझुकीने मंगळवारी डिझायर सेडानचे सीएनजी व्हेरिएंट लॉन्च केल्याची घोषणा केली. Maruti Suzuki Dzire CNG दोन व्हेरिएंटमध्ये उपलब्ध आहे यामध्ये VXi आणि ZXi यांचा समावेश आहे. या दोन्ही व्हेरिएंटच्या किंमती 8.14 लाख आणि 8.82 लाख रुपये (एक्स-शोरूम) इतक्या आहेत.
TV9 मराठी डिजीटल टीम | Edited By: अक्षय चोरगे, टीव्ही 9 मराठी डिजीटल टीम |
Updated on: Mar 08, 2022 | 7:43 PM
Share
मारुती सुझुकीने मंगळवारी डिझायर सेडानचे सीएनजी व्हेरिएंट लॉन्च केल्याची घोषणा केली. Maruti Suzuki Dzire CNG दोन व्हेरिएंटमध्ये उपलब्ध आहे यामध्ये VXi आणि ZXi यांचा समावेश आहे. या दोन्ही व्हेरिएंटच्या किंमती 8.14 लाख आणि 8.82 लाख रुपये (एक्स-शोरूम) इतक्या आहेत. डिझायर सीएनजी सेडान सबस्क्रिप्शनसाठी उपलब्ध आहे. मारुती सुझुकीने दिलेल्या माहितीनुसार, डिझायर सीएनजी मॉडेलचे मंथली सबस्क्रिप्शन शुल्क 16,999 रुपयांपासून सुरू होते.
1 / 5
मारुती सुझुकी डिझायर सीएनजी बाजारात Hyundai Aura CNG आणि Tata Tigor CNG सारख्या गाड्यांशी स्पर्धा करेल. याशिवाय, मारुती सुझुकी डिझायरचं सीएनजी व्हर्जन ऑटोमेकरच्या इतर सीएनजी कारच्या यादीमध्ये सामील झालं आहे ज्यात सेलेरियो, वॅगनआर या गाड्यांच्या समावेश आहे. या सीएनजी सेडानच्या लॉन्चमुळे मारुती सुझुकीकडे आता एकूण नऊ सीएनजी कार आहेत.
2 / 5
मारुती सुझुकीचा दावा आहे की डिझायर सेडानचं CNG व्हर्जन लॉन्च करण्यामागे भारत सरकारची तेल आयात कमी करणे आणि भारताच्या प्राथमिक ऊर्जा क्षेत्रातील नैसर्गिक वायूचा वाटा 2030 पर्यंत 6.2 टक्क्यांवरून 15 टक्क्यांपर्यंत वाढवणे हे आहे. पेट्रोल आणि डिझेलच्या तुलनेत सीएनजी हे स्वच्छ आणि चांगले इंधन मानले जाते. तसेच, CNG पेट्रोल आणि डिझेलपेक्षा अधिक मायलेज देते.
3 / 5
डिझाईनच्या बाबतीत, डिझायर सीएनजी त्याच्या पेट्रोल व्हेरिएंटप्रमाणेच आहे. बूट स्टोरेजमध्ये फॅक्टरी फिट सीएनजी किट हा एकमेव बदल करण्यात आला आहे. CNG किट 1.2-लीटर K-Series ड्युअल-जेट ड्युअल VVT पेट्रोल इंजिनसह काम करते. हे इंजिन CNG मोडमध्ये आहे आणि 6,000 rpm वर 77 PS पॉवर आउटपुट आणि 98.5 Nm टॉर्क जनरेट करते. तसेच, हे इंजिन 31.12 किमी/किलो मायलेज देते.
4 / 5
DZire CNG लाँच करण्याबद्दल बोलताना, मारुती सुझुकी इंडिया लिमिटेडचे वरिष्ठ कार्यकारी संचालक शशांक श्रीवास्तव म्हणाले की, S-CNG सारख्या ट्रान्सफॉर्मेटिव्ह तंत्रज्ञानासह, S-CNG वाहने जास्तीत जास्त ग्राहकांच्या मोबिलिटी रिक्वायरमेंट्स पूर्ण करण्यासाठी सज्ज आहेत. .
