लवकरच लॉन्च होणार या SUV चे अपडेटेड वर्जन, कोणते फिचर्स मिळणार
अद्ययावत Kia Seltos पुढील 2-3 महिन्यांत भारतात लॉन्च होण्याची शक्यता आहे. सर्वात मोठे अपडेट म्हणून, यात 1.5L टर्बो पेट्रोल इंजिन दिले जाऊ शकते
मुंबई : ऑटोमोबाईल उद्योगासाठी हे वर्ष खूपच चांगले ठरत आहे. या वर्षी बाजारात अनेक नवीन मॉडेल्स लाँच करण्यात आली असून येत्या काळात अनेक नवीन मॉडेल्स बाजारात येणार आहेत. यासोबतच, भारतातील सर्वाधिक विक्री होणारी SUV – Tata Nexon ची अपडेटेड आवृत्ती देखील लॉन्च केली जाईल. याशिवाय, कॉम्पॅक्ट SUV सेगमेंटमध्ये Hyundai Creta शी स्पर्धा करणारी Kia Seltos ची फेसलिफ्ट आवृत्ती देखील लवकरच लॉन्च केली जाणार आहे. या दोन्ही SUV ऑगस्टपर्यंत लॉन्च होण्याची अपेक्षा आहे.
टाटा नेक्सॉन फेसलिफ्ट
नवीन Nexon वरील अनेक डिझाइन अपडेट्स 2023 ऑटो एक्सपोमध्ये पाहिल्या गेलेल्या Curvv संकल्पनेपासून प्रेरित असतील. यात नवीन फ्लॅट-बॉटम स्टीयरिंग, स्मार्टफोन कनेक्टिव्हिटीसह नवीन 10.25-इंच टचस्क्रीन इन्फोटेनमेंट सिस्टम, नवीन इन्स्ट्रुमेंट क्लस्टर आणि माउंटेड कंट्रोल्स मिळतील. यावेळी, जांभळ्या सीट अपहोल्स्ट्री यात दिली जाऊ शकते, जसे की जासूस फोटोंमध्ये अनेकदा पाहिले आहे.
2023 Tata Nexon फेसलिफ्टला 125bhp आणि 225Nm जनरेट करणारे नवीन 1.2L टर्बो पेट्रोल इंजिन दिले जाऊ शकते. विद्यमान 1.5L डिझेल इंजिन (115bhp आणि 260Nm) देखील ऑफर केले जाईल.
केआयए सेल्टोस फेसलिफ्ट
अद्ययावत Kia Seltos पुढील 2-3 महिन्यांत भारतात लॉन्च होण्याची शक्यता आहे. सर्वात मोठे अपडेट म्हणून, यात 1.5L टर्बो पेट्रोल इंजिन दिले जाऊ शकते, जे 160bhp पॉवर आणि 253Nm टॉर्क जनरेट करेल. यात आणखी दोन इंजिन पर्याय देखील दिले जाऊ शकतात, जे 1.5L पेट्रोल (115bhp) आणि 1.5L टर्बो डिझेल (115bhp) इंजिन असतील.
SUV ADAS (Advanced Driver Assistance System) ने सुसज्ज असेल. यात नवीन 10.25-इंच डिजिटल इन्स्ट्रुमेंट क्लस्टर देखील मिळेल तर टचस्क्रीन इन्फोटेनमेंट युनिट समान राहील. पारंपारिक गियर लीव्हरच्या जागी याला रोटरी डायल मिळू शकतो.
