Tracker 400 भारतात लॉन्च, 350cc इंजिन आणि रांगड्या लूकने तरुणांना घातली भुरळ

Triumph Tracker 400 India Launch: तुम्ही दमदार लूक आणि परफॉर्मन्स देणाऱ्या नवीन बाईकच्या शोधात असाल, तर तुमची प्रतीक्षा संपली आहे. ट्रायम्फने आपली बहुप्रतिक्षित Tracker 400 भारतात अधिकृतपणे लाँच केली आहे. रांगडा ऑफ-रोड लूक आणि 350 सीसीचे दमदार इंजिन हे या बाईकचे मुख्य आकर्षण आहे. या बाईकची किंमत किती आहे आणि यात कोणकोणते नवीन फीचर्स दिले आहेत, याची सविस्तर माहिती आज जाणून घेऊया.

2.46 लाख रुपये (X-शोरूम) किंमत असलेली ही बाईक त्याच्या आंतरराष्ट्रीय मॉडेलप्रमाणेच दिसते आणि रेसिंग यलो, फॅंटम ब्लॅक, अ‍ॅल्युमिनियम आणि सिल्व्हर ग्लॉस कलर ऑप्शनमध्ये उपलब्ध आहे. भारतात 350 सीसीपर्यंतच्या बाईकवर 18 टक्के जीएसटी आकारल्यानंतर ट्रायम्फसाठी ही चाल खूप फायदेशीर ठरू शकते.

इंजिन फ्लॅट ट्रॅकर इन्स्पायर्ड बाईक ट्रॅकर 400 ट्रायम्फ इंडियासाठी गेमचेंजर ठरू शकते आणि येथील प्रस्थापित कंपन्यांकडून लोकप्रिय बाईकचे ग्राहक चोरू शकते. या फोनमध्ये 350 सीसीचे लिक्विड-कूल्ड सिंगल सिलिंडर इंजिन देण्यात आले आहे, जे 8750 आरपीएमवर 40 पीएस पॉवर आणि 7500 आरपीएमवर 32 एनएम पीक टॉर्क जनरेट करते. हे इंजिन ट्रॅकरच्या ग्लोबल स्पेक इंजिनपेक्षा 400 बीएचपी आणि 5.5 एनएम कमी टॉर्क जनरेट करते. यात 6-स्पीड गिअरबॉक्स तसेच टॉर्क असिस्ट क्लच आहे. ही बाईक केवळ 7.6 सेकंदात 0-100 किमी प्रतितास वेग पकडते आणि तिचा टॉप स्पीड 154 किमी प्रतितास आहे.

लूक-डिझाईन आणि फीचर्स ट्रायम्फ इंडियाच्या नवीन 350 सीसी बाईक ट्रॅकर 400 च्या लूक आणि डिझाइनबद्दल बोलायचे झाले तर, यात फ्लॅट ट्रॅक सिल्हूट, रेस-प्रेरित स्टायलिंग, स्पीड 400 पेक्षा अधिक स्पोर्टी लुक आणि एर्गोनॉमिक्ससह क्लासिक ट्रायम्फ डिझाइन, फ्युएल टँकवर ठळकपणे ‘ट्रॅकर’ अक्षरे, स्लीक रेसिंग स्ट्राइप्स आणि चिखलाचे स्प्लटर्स आहेत. ट्रायम्फ ट्रॅकर 400 मध्ये फ्लॅट आणि रुंद हँडलबार, शार्प हँडलिंगसाठी डेडिकेटेड चेसिस, कलर-कोडेड सीट काउल, फ्लाय स्क्रीन, रिस्टाईल्ड ड्युअल-स्पोक व्हील्स, 43 मिमी अपसाइड डाउन फ्रंट फोर्क्स, रिअर गॅस मोनोशॉक, 805 मिमी, स्विचेबल ट्रॅक्शन कंट्रोल, सिंगल डायल अ‍ॅनालॉग स्पीडोमीटर, डिजिटल टॅकोमीटर आणि एबीएस आहेत.

ट्रायम्फ भारतीय बाजारात खूप वेगाने आपले पाय पसरवत आहे आणि बजाज ऑटोसोबतच्या भागीदारीचा बाजारावर खोलवर परिणाम झाला आहे. 350 सीसी सेगमेंटमध्ये नवीन ट्रॅकर 400 च्या प्रवेशासह, ट्रायम्फची उपस्थिती येत्या काळात आणखी वाढण्याची शक्यता आहे, कारण ट्रायम्फने 400 सीसी सेगमेंटमध्ये 100,000 हून अधिक युनिट्स बाईक विकल्या आहेत.