Multibagger Stock : गुंतवणूकदारांना आर्थिक पॉवर! पोर्टफोलिओत करंट, अगोदर केले करोडपती, आता पुन्हा भरला जोश

नवी दिल्ली : सध्या शेअर बाजारात (Share Market) धडामधूम सुरु असतानाही या पॉवर कंपनीच्या स्टॉकवर गुंतवणूकदारांच्या उड्या पडल्या आहेत. या स्टॉकमध्ये मोठी गुंतवणूक झाली आहे. दीर्घ कालीन गुंतवणूकदारांना तर या शेअरने लॉटरी लावली आहे. लाँग टर्म गुंतवणूकदारांना (Long Term Investors) या शेअरने करोडपती केले आहे. तज्ज्ञांच्या मते, येत्या काही दिवसात हा शेअर जोरदार उसळी घेईल. घरगुती ब्रोकरेज फर्म शेअरखानने, या कंपनीत गुंतवणुकीचे टार्गेट निश्चित केले आहे. त्यानुसार, 695 रुपयांचे लक्ष्य निश्चित करण्यात आले आहे. हा शेअर सध्या बीएसईवर (BSE) 2.38 टक्क्यांनी वधारुन 576.50 रुपयांवर आहे. म्हणजे गुंतवणूकदारांना 125 रुपयांच्या घरात फायदा होईल.

कल्पतरु पॉवर ट्रान्समिशन (Kalpataru Power Target Price) असे या कंपनीचे नाव आहे. ही कंपनी ऊर्जा वितरण आणि पारेषण क्षेत्रात काम करते. बांधकाम क्षेत्रात पण ही कंपनी अग्रेसर आहे. ही कंपनी या क्षेत्रात सर्वच प्रकारच्या सेवा पुरवते. या कंपनीकडे सातत्याने ऑर्डर येत आहे. त्यात 46 टक्क्यांची वाढ झाली आहे. घरगुतीच नाही तर आंतरराष्ट्रीय बाजारातून ही या कंपनीला मोठ्या ऑर्डर प्राप्त होत आहे. त्यामुळे या कंपनीचा व्यवसाय भरभराटीला आला आहे.

शेअरखानच्या मते, ही कंपनी या आणि पुढील वर्षात जोरदार कामगिरी बजावेल. ही कंपनी सर्वच ऑर्डर पूर्ण करणार आहे. या कंपनीत जेएमसी प्रोजेक्टस या कंपनीचे विलिनीकरण झाले आहे. त्यामुळे कल्पतरुचा बाजारातील दबदबा वाढणार आहे. या कंपनीकडे इतरही अनेक प्रकल्प हाताशी आहेत. त्याचा गुंतवणूकदारांना ही फायदा होणार आहे.

कंपनीने आर्थिक वर्ष 2025 साठी 24 हजार कोटी रुपयांच्या महसूलाचे उद्दिष्ट ठेवले आहे. ही कंपनी महसूलातून कर्जाची परतफेडीवर लक्ष देत आहे. त्यामुळे शेअर खानने या कंपनीसाठीचे रेटिंग कायम ठेवले आहे. तसेच या शेअरचे टार्गेट 695 रुपये ठेवले आहे.

13 मार्च 2003 रोजी हा शेअर केवळ 3.28 रुपये होता. हा शेअर आतापर्यंत 17,476 टक्के वधारला आहे. सध्या या शेअरचा भाव 576.50 रुपये आहे. म्हणजे गेल्या 20 वर्षांत कल्पतरु पॉवरने केवळ 57 हजार रुपयांच्या गुंतवणुकीवर खरेदीदारांना कोट्याधीश केले आहे. आता पण हा शेअर उसळी घेत आहे. त्यामुळे गुंतवणूकदारांचा मोठा फायदा होणार आहे.

ही या शेअरच्या कारभाराची माहिती आहे. या शेअरने कशी कामगिरी केली. कंपनीविषयीचे अपडेट आहेत. हा कोणत्याही प्रकारचा गुंतवणुकीचा सल्ला नाही. गुंतवणूक करण्यापूर्वी अभ्यास आणि तज्ज्ञांचा सल्ला वेळीच घ्या.