सरकारी कर्मचाऱ्यांच्या आत्महत्यांचं सत्र सुरुच, बारामतीत पोलीस कर्मचाऱ्याची आत्महत्या

पोपट विष्णू दराडे असं आत्महत्या केलेल्या पोलिसाचे नाव आहे. Popat Darade committed suicide

पोपट दराडे, पोलीस कर्मचारी

Yuvraj Jadhav | Updated on: Mar 30, 2021 | 2:02 PM

पुणे : महाराष्ट्रातील सरकारी कर्मचाऱ्यांच्या आत्महत्यांचं सत्र सुरुच आहे. बारामती तालुका पोलीस ठाण्यात कार्यरत असलेल्या एका पोलीस कर्मचाऱ्याने विषारी औषध घेऊन आत्महत्या केल्याचा प्रकार समोर आलाय. पोपट विष्णू दराडे असं आत्महत्या केलेल्या पोलिसाचे नाव आहे. (Baramati Police Constable Popat Darade committed suicide by taking poison)

पोपट दराडे यांच्या आत्महत्येचं कारण अस्पष्ट

पोलीस कर्मचारी पोपट दराडे यांनी आत्महत्या का केली याबाबत अद्याप कारण स्पष्ट झाले नाही. घरगुती कलहातून त्यांनी आत्महत्या केली असावी, असा संशय व्यक्त केला जात आहे.

पोलिसांचा वेगळा दावा

बारामती पोलिसांनी पोपट दराडे यांच्या आत्महत्येविषयी वेगळाच दावा केला आहे. पोपट दराडे तीन दिवसांपासून खोकल्याने त्रस्त होते. त्यांनी खोकल्याचे औषध समजून चुकून विषारी औषध प्राशन केले असल्याचे पोलिसांकडून सांगण्यात आलं आहे.

राज्यात सरकारी कर्मचाऱ्यांच्या आत्महत्येचं सत्र सुरुच

दीपाली चव्हाण यांच्या आत्महत्येची घटना ताजी असतानाच रत्नागिरी जिल्ह्यातील दापोली तालुक्यातील मुरुड येथील पोस्टमास्तर पुर्वी तुरे यांनी पोस्ट कार्यालयातच गळफास घेऊन आत्महत्या केल्याची धक्कादायक घटना 29 मार्चला घडली. पुर्वी तुरे या मुळच्या दापोली तालुक्यातील हर्णे येथील मोठी गोडीबाव येथील रहिवासी होत्या. त्या विवाहित होत्या. पुर्वी कर्दे पोस्ट कार्यालयात कर्तव्य बजावत होत्या. या घटनेमुळे तालुक्यात एकच खळबळ उडाली होती.

सातारा जिल्ह्यातील पाटण तालुक्यातील कोयनानगर येथे शासकीय निवासस्थानात जलसंपदा विभागातील कर्मचाऱ्यानं आत्महत्या केल्याचा प्रकार उघडकीस आला होता. बंडू कुंभार असे आत्महत्या केलेल्या व्यक्तीचं नाव होतं. बंडू कुंभार हे कोयनानगर जलसंपदा विभागात कार्यरत होते. राहत्या घरी गळफास घेऊन त्यांनी आत्महत्या केली.

जयंत पाटलांच्या वक्तव्याने पंढरपूर पोटनिवडणुकीत ट्विस्ट, फडणवीस उमेदवार मागे घेणार?https://t.co/Lt2YhvOQqH #Pandharpur | #Bypoll | #NCP | #BJP | #Maharashtra

— TV9 Marathi (@TV9Marathi) March 30, 2021